Mes 33 personave që SPAK kërkoi arrestimin gjatë operacionin “Plumbi i artë 2”, duke caktuar masën e sigurisë “arrest në burg dhe “arrest shtëpie”, është dhe një sekretare gjyqësore e quajtur, Denada Toda alias Runaj.
Ajo ka shërbyer për më shumë se 10 vite si sekretare gjyqësore në gjykatën e Tiranës dhe atë të Elbasanit, duke punuar si sekretare pranë gjyqtares Pajtime Fetahu. Por prej disa kohësh ajo është larguar me dorëheqje nga gjykata e Elbasanit, duke u vendosur në Itali.
Ajo është motra e të ndjerit Regis Runaj, i cili në 29 korrik 2020 u masakrua me rreth 27 goditje thike, nga Euglen Halili, i cili kishtë marë urdhër nga Xhuljano Hoxha dhe Erjon Alibej për vrasjen e Runaj në qytetin e Elbasanit.
Euglen Halili, është bashkëpuntori i parë i prokurorisë që foli për luftën mes bandave kriminale, dëshmia e të cilit çoi në burg dhe dënoi me burg përjetë Xhuljano Hoxhën dhe arrestoi sponsorin kryesor të vrasjeve në disa qytete, Erjon Alibej.
Urdhri për arrestimin e Denada Toda alias Runaj është kryer pikërisht ditën kur Regis Runaj është vrarë. Në 29 korrik 2024, familja Runaj ka bërë homazhe në varrin e Regisit,duke e përkujtuar atë në 4 vjetorin e vrasjes së tij makabre. Por shumë shpejt kanë marë lajmin e hidhur nga policia se duhet të ekzekutonin masën e sigurisë të nxjerë nga SPAK, për Denada Toda alias Runaj.
Kjo pasi në 29 korrik 2024, fiks katër vjet nga vrasja e të vëllait SPAK kishte lëshuar një mandat arresti me masë sigurimi “arrest në shtëpi”, për motrën e Regisit, ish-sekretaren e gjykatës së Elbasanit, Denada Toda.
Sipas SPAK, kjo e fundit gjatë periudhës Shtator-Tetor 2020 kur shërbente si sekretare në gjykatën e Elbasanit, ka dërguar dokumenta sekrete në drejtim të personave të ndryshëm dhe për këtë shkak është vendosur masa e sigurisë për akuzën e “Zbulimit të aktev ose të dhënave sekrete”.
Aktualisht për vrasjen e Regis Runaj është dënuar me 17 vite burgim Euglen Halili, ndërsa Xhuliano Hoxha u dënua me burgim të përjetshëm, për vrasjen e Regisit dhe Emiljano Ramazanit. Ndërkohë i pandehur është marë Erjon Alibej, i cili tashmë është në pritje të gjikimit me persona të tjerë edhe për vrasje të tjera.
Sipas dinamikës së ngjarjes, Euglen Halili, fillimisht e ka qëlluar mikun e tij me thikë, teksa ishin të dy duke lëvizur me motor. Goditja ka ndodhur nga prapa dhe Runaj, nuk ka pasur asnjë mundësi të reagojë dhe kundërvihet për tu vetëmbrojtur. Runaj, është qëlluar pa pushim me thikë teksa drejtonte motorin. Sipas dëshmisë së Halilit, ata të dy janë rrëzuar nga motori dhe sërish Halili, ka vijuar ta qëllojë me thikë, derisa Runaj ka humbur jetën.
Në total, Runaj u qëllua 27 herë me thikë nga Euglen Halili. Pas vrasjes ky i fundit, është larguar me motorin që drejtonte viktima, mjet nga i cili u zbardh e gjithë ngjarja. Policia ka mundur të sekuestrojë motorin, gjatë kontrolleve në banesat e personave të dyshuar. Pikërisht në këtë motor, u gjendën gjurmë gjaku të viktimës Regis Runaj dhe një gjurmë gishti të Euglen Halilit. Ky i fundit është shoqëruar në polici dhe është njohur me provat e policisë, të cilat implikonin në vrasje Halilin.
I riu ka pranuar të bashkëpunojë dhe të tregojë gjithçka, vetëm që në fund të dënimit të ishte i favorizuar nga drejtësia. Halili ka treguar se organizatori i vrasjes së Runaj është Xhuljano Hoxha dhe se armën e krimit thikë, e kishte hedhur në lumin “Shkumbin”.
Komente
Lajme të tjera
-
Elbasan/ Vodhi 115 kilogramë bakër në uzinën mekanike që administronte dhe bëri denoncim të rremë në Polici, arrestohet 41 vjeçari
4 Nëntor, 10:41 -
Komedia ‘Horoskopi babilonas’ në teatrin ‘Skampa’ në Elbasan! Ironi e të qeshura
4 Nëntor, 10:00
-
Korrupsioni në Universitetin e Elbasanit, Prokuroria jep detajet për 7 pedagogët dhe sekserin: U morën si provë filmimet, procesverbali i lëndëve dhe u kontrolluan banesat
3 Nëntor, 15:25 -
‘Furtuna’ në Universitetin e Elbasanit! 6 pedagogë të arrestuar, profesoresha e 'Letërsisë pë fëmijë' ende në kërkim! Akuzohen se kaluan në provime 31 vjeçaren për të marrë rryshfet
2 Nëntor, 09:41 -
‘Furtunë’ në Universitetin e Elbasanit, arrestohen 7 pedagogë të Mësuesisë! U merrnin studentëve deri në 500 euro për provim, në pranga edhe sekseri (EMRAT)
1 Nëntor, 22:10
-
Mbahet edicioni i parë i çmimit ‘Sami Frashëri’ në Belsh, Ben Blushi me ‘Komplotin’ shpallet shkrimtari më i mirë
1 Nëntor, 18:40
-
Aksident në tunelin Elbasan-Tiranë, makina përplaset me kamionin, përfshihet nga flakët! Plagosen 3 persona
1 Nëntor, 13:30 -
Elbasan/ Pjesë e një bande kriminale të trafikut të drogës, bie në pranga 60-vjeçari! Theu masën e sigurisë dhe nuk iu bind policisë të ndalonte
1 Nëntor, 11:25 -
Hektor Mushi nuk justifikoi dot pasurinë, KPA e Vettingut lë në fuqi shkarkimin e prokurorit të Elbasanit! Detajet e dosjes (VENDIMI)
31 Tetor, 16:50 -
Elbasan/ E rëndë në fshatin Pajovë, përplasen dy makina! Njëra humb kontrollin dhe përplas për vdekje fëmijën 8 vjeçar që po rrinte në trotuar! Arrestohen dy drejtuesit
31 Tetor, 15:08 -
Bllokuan rrethrrotullimin e Bradasheshit, Gjykata liron nga burgu 3 protestuesit e PD, do hetohen në liri! 3 ende në kërkim dhe 20 nën hetim (LISTA)
31 Tetor, 15:05 -
Protesta e opozitës/ 3 të arrestuar në Elbasan, 3 në kërkim! Në hetim 20 protestues dhe 3 deputetët të PD
30 Tetor, 09:45
GENJESHTER. Spak nuk ka dhene mase sigurie arrest ne burg por ndalim dalje jashte shtetit
PërgjigjuVk Gjyqtarja e Elbasanit arrest shpie dhe sekretarja nd burg...drejtesi e zhdrejte!
Përgjigju