Dosja në SPAK/ Muharrem Berisha pronar fiktiv i godinës së LSI? Biznesmeni i ‘fuqishëm’ rezulton inspektor pyjesh, dyshime për biznesin e mermerit në Berat

Dosja në SPAK/ Muharrem Berisha pronar fiktiv i godinës së LSI? Biznesmeni i ‘fuqishëm’ rezulton inspektor pyjesh, dyshime për biznesin e mermerit në Berat

Muharrem Berisha gjatë dekorimit nga presidenti Ilir Meta

TIRANË- Në kallëzimin e dytë penal që ish deputeti Halit Valteri ka referuar në SPAK për kupolën e LSI-së, për fshehje pasurie, pastrim parash dhe korrupsion, ngrihen dyshime të forta sa i takon pronësisë së godinës së LSI-së në ish-Bllok, pasuri për të cilën në kallëzim thuhet se Ilir meta e ka fshehur në emrin e një biznesmeni të besuar.

Bëhet fjalë për biznesmenin Muharrem Berisha, i cili konsiderohet në kallëzim si pronar fiktiv i godinës së LSI-në si dhe aksioner në një kompani që prodhon mermer në Berat, për të cilën

flitet se pronar i vërtet është Ilir Meta. Në dosjen e referuar në SPAK flitet gjithashtu për transferta të dyshimta në llogarinë personale të Muharrem Berishës, i cili nga ana tjetër, me të ardhura të pajustifikuar, ka kryer transaksione si donacione ndaj LSI, transferta parash ndaj kompanive offshore dhe llogarive të tjera për interes e Ilir Metës.

Në kallëzim referohet si fakt që, Muharrem Berisha, i cili paraqitet në letra si biznesmen i fuqishëm, është punësuar pranë Ministrisë së Mjedisit si Inspektor Pyjesh, duke ngritur dyshime se Muharrem Berisha mund të jetë një nga maskat e Metës për të mbuluar pasuritë.

Në 30 janar të vitit 2021, Presidenti Ilir Meta,ka dekoruar me titullin “Mjeshtër Madh” edhe pronarin e pretenduar të selisë së Lëvizjes Socialiste për Integrim, Muharrem Berisha, ish peshëngritës. “Muharrem Berisha, padyshim ka qenë një nga peshëngritësit më të talentuar, që ka njohur vendi. Kampion, me rreth 100 rekorde me ekipin e ‘Dinamo’-s dhe Ekipin Kombëtar, i spikatur me kontributin e dhënë edhe si drejtues në Federatën Shqiptare të Peshëngritjes”, deklaroi Meta në ceremoninë e dekorimit.

Muharrem Berisha ishte objekt i përplasjeve të forta politike mes PS-së dhe LSI-së në vjeshtën e vitit 2010. Përfaqësues të Partisë Socialiste akuzonin Ilir Metën se ishte pronar i kamufluar i godinës së LSI-së në ish-Bllok, pasuri të cilën nuk e justifikonte me burime të ligjshme të ardhurash. Në emër të Metës, dha shpjegime Luan Rama, i cili përmendi për herë të parë emrin e Muharrem Berishës si pronari i godinës së LSI-së, të cilën ia kishte dhënë me qira LSI-së.

Në zgjedhjet e vitit 2017, Meta e kandidoi Muharrem Berishën për deputet në Tiranë, tregues i vijimit të raportit mes tyre. Sot mbetet ende mister raporti real i Ilir Metës më godinën e LSI-së.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • BENI: 06/07/2022 18:58

    ATY KU ESHTE LSI SOT NE TIRANE PARA 1990 KA QENE NJE PALLAT RINIE KU LUHEJ PING-PONG,,,KURSE SHESHI PARA KA QENE LULISHTE E KESAJ QENDRE RINIE....PRA KA QENE PRONE SHTETERORE....SPAKU TE HETOJE....

    Përgjigju
    • E-BENI: 07/07/2022 04:29

      Aty ku eshte eshte sot shteti yne i kapur nga krimi i organizuar politik dikur ishte nje shtet feudalo-komunist por qe kishte nje pale potire mbathur. Tani nuk ka me... SPAKU te shkoje me pushime se vape tani.

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

'Radio France': Shqipëria, destinacioni turistik në trend dhe i lirë

'Radio France': Shqipëria, destinacioni turistik në trend dhe i lirë