Dosja SKY ECC/ E-maili që zbuloi oficerin grek të Antidrogës dhe lidhjet me bosin shqiptar të narkotrafikut! Europoli dërgoi mbi 3 mijë dosje, si funksiononte rrjeti

Policia greke po thellon hetimet mbi çështje që kanë të bëjnë me vrasjet, drogën, dhe trafikun e emigrantëve të parregullt pas zbulimit të komunikimeve përmes platformave të koduara “Sky ECC” dhe “Encrochat”, të zhvilluara në territorin e Greqisë.

Komunikimet iu dhanë Greqisë nga EUROPOL në vjeshtën e vitit 2023 në rreth 4500 dosje me mbi 25000 mesazhe të shkëmbyera mes personave të dyshuar të përfshirë në rrjete kriminale, sidomos të trafikut të drogës.

Sipas policisë greke pas urdhër arresteve për mbi 15 shtetas shqiptarë, të dyshuar në trafikun e marijuanës nga Shqipëria drejt Greqisë dhe trafikun e kokainës nga Spanja në drejtim të Greqisë dhe Shqipërisë. 

 Mes tyre është edhe bosi shqiptar Sandër Pemaj, mik i oficerit të Antidrogës që u tradhtua nga një e-mail.

Gazeta greke “Documentoneës” shkruan se një nga bashkëbiseduesit e oficerit të ELAS-it është krimineli shqiptar Sander Pemaj (S.P.), i burgosur në Qendrën e Paraburgimit Korydallou (Koridhalos), i dënuar në shkallë të dytë për importimin e 1.2 tonë kokainë nga Amerika Latine, në Greqi në vitin 2020.

Në burg prej 24 janarit 2020 fillimisht Sandër Pemaj fillimisht u dërgua në burgjet e Malandrinos dhe tani ndodhet në burgjet e Korydallos. Duket se midis marsit 2020 dhe marsit 2021 kishte marrë një pajisje me aplikacionin e enkriptuar të bisedës Sky ECC të instaluar. Nga bisedat mësohet se edhe brenda burgut ai ruante rolin e tij drejtues dhe një nga pseudonimet e shumta që përdori ishte “Malandr01”, që i referohet pasi ruante reputacionin e shefit në burgjet e Malandrinos.

Nga burgu dhe nëpërmjet aplikacionit Sky ECC për të paktën një vit, Pemaj duket se merrej me organizimin për trafikun e një sasie të mëdha narkotike, duke pasur kontakte me 80 persona – edhe me oficerin e përndjekur të ELAS-it.

Një nga kontaktet e Pemajt është edhe K.G., me të cilin ka pasur komunikim mjaft të shpeshtë, pasi tentuan të importonin ngarkesa droge nga jashtë. Në një bisedë mes tyre ata diskutojnë për sasinë prej 100 kg kokainë që u kap:

KG: ku i morën?

PS: ai që ndaloi për tranzit.

S.P.: Dashtë Zoti, Gjermania do të arrijë brenda një jave.

P.S.: pasi dëgjojnë...

S.P.: 100...

Nën hetim edhe 2 oficerë të tjerë, rridhnin informacione për hetimet dhe operacionet e ELAS-it grek (Policia greke)

A.Q/S.G/Shqiptarja.com

TAG:
• europol
• operacion
• Antidroga
• Sky ecc
• athine
• sander pemaj
• greqi
• shqiptaret