Draghi jep dorëheqjen si kryeministër i Italisë: Edhe bankierët kanë zemër! Italia drejt zgjedhjeve të parakohshme

Kryeministri i Italisë Mario Draghi dha dorëheqjen ditën e sotme te presidenti Matarella, duke hapur rrugën për zgjedhje të reja dhe duke hapur një kapitull të ri të pasigurisë politike.

Duke folur në Parlament, Draghi tha se do të takohej me Presidentin Sergio Mattarella dhe do ta informojë atë për qëllimet e tij pasi dështoi të bashkojë qeverinë e tij të brishtë të koalicionit. Mattarella thuhet se i ka kërkuar atij që të qëndrojë në vendin e përkohshëm me një qeveri të përkohshme.

“Faleminderit për gjithë punën që kemi bërë së bashku gjatë kësaj periudhe. Pasi votimi u zhvillua mbrëmë nga senati i Republikës, kërkoj që të pezullohet kjo seancë sepse jam rrugës për te Presidenti i Republikës për të komunikuar qëllimet e mia”, u tha Draghi deputetëve të enjten herët.

LEXO EDHE:
Lega pranon kërkesën e Interit, ndeshja me Torinon luhet në mesditë! Festë pa trofeun në Milano

Ajo vjen pasi Draghi u shpërfill nga partnerët e koalicionit në një votë besimi në Senat të mërkurën, që do të thotë se qeveria ishte shembur.

“Edhe bankierët përdorin zemrat e tyre…”. Me këto fjalë kryeministri Mario Draghi falënderoi Dhomën e deputetëve e cila i dha një duartrokitje të gjatë. Referenca ka të bëjë me batutën për zemrën e bankierit të “pa përdorur” që kryeministri kishte thënë para shtypit të huaj pak ditë më parë.

Pavarësisht se arriti të fitonte votën, Lëvizja Pesë Yjet me prirje të majtë, një nga partitë në qeverinë e koalicionit, tha se nuk do të merrte pjesë. Partia Lega në pushtet dhe partia Forza Italia gjithashtu thanë se nuk do të merrnin pjesë.

Ajo hap rrugën për zgjedhje të parakohshme të vështira dhe të pasigurta, të cilat mund të zhvillohen në shtator ose tetor. Javën e kaluar, Mattarella refuzoi dorëheqjen e parë të Draghit dhe i kërkoi atij të drejtonte më shumë negociata me ligjvënësit me shpresën për të shmangur zgjedhjet e parakohshme.

Kjo erdhi pasi Lëvizja Pesë Yjet kundërshtoi një dekret të ri që synonte uljen e inflacionit dhe luftimin e rritjes së kostove të energjisë. Ligjvënësit e Italisë mbajtën një votë besimi për paketën e gjerë të politikave, por Pesë Yjet e bojkotuan masën, duke zemëruar si Dragin ashtu edhe partitë e krahut të djathtë në koalicion.

Draghi, ish- shefit të Bankës Qendrore Evropiane , iu kërkua më pas nga Mattarella që të kthehej në dhomën e lartë të Parlamentit dhe të mbante një votë besimi për vetë qeverinë të mërkurën, që do të thotë se politika italiane ka qenë në një gjendje të paqartë javën e fundit.

Rendit zhvillimet sipas orarit:

Të Fundit Të Parat

G.MO/SI.E./Shqiptarja.com

TAG:
• Mario Draghi
• itali