TIRANE- Shtëpia e Sefer Poçit në Farkë u dëmtua rëndë nga tërmeti i 21 shtatorit dhe nga ajo ditë u bë e pabanueshme. Por, falë angazhimit të Bashkisë së Tiranës dhe donatorëve, që iu përgjigjën thirrjes së kryebashkiakut Erion Veliaj, mbi themelet e saj po ndërtohet një shtëpi e re, më e madhe dhe më e fortë. Kreu i Bashkisë së Tiranës inspektoi ecurinë e punimeve dhe i premtoi familjes Poçi se do të rikthehet shumë shpejt për të festuar ndërtimin e shtëpisë së re.
“Kjo është shtëpia e Seferit, të cilën po e bëjmë nga e para. Herën e parë u takuam për hall, herën e dytë për punë, herën e tretë do takohemi për qejf se do hyjmë në shtëpinë e re, jo vetëm këtu, por në mbi 40 shtëpi të tjera në gjithë Tiranën. Është kënaqësi e jashtëzakonshme të shohësh sesi në vetëm pak javë nga tërmeti kemi nisur nga puna për rindërtimin e shtëpive. Bashkë me deputetët, administratorët dhe kompanitë private që na kanë ndihmuar, duke adoptuar nga një shtëpi secila, po punojmë në mbi 40 kantiere në Tiranë, ku shtëpitë më të vuajtura jemi duke i bërë nga e para”, tha Veliaj.
Ai shprehu mirënjohjen për komunitetin e biznesit, që iu përgjigj thirrjes për ndihmë, dhe në një kohë fare të shkurtër nisën punën për rindërtimin e shtëpive. “E kuptoj që bashkia, qarku, qeveria mund të ndihmojë me pagesat për dëme të vogla, që secili me atë pagesë t’i rregullojë vetë dëmtimet, por kur shtëpia është rrënuar totalisht, na u duk ide më e mirë dhe solidaritet më i madh që ta bënim nga e para. Kryeministri na ka dhënë një avantazh të jashtëzakonshëm me VKM, e cila lehtëson lejet për ata që do i bëjnë këto punë vetë. Po ashtu, edhe solidariteti i pamunguar nga komuniteti i biznesit, të cilët kanë adoptuar nga një shtëpi dhe po bëjnë më të mirë se ç’ka qenë, me kushte shumë herë më dinjitoze, që do i rezistojë edhe 100 viteve të tjera të shekullit të dytë të Tiranës”, shtoi kryebashkiaku.
Veliaj shtoi se kompanitë e ndërtimit do vijojnë punën me të njëjtin ritëm për t’u siguruar që të gjitha shtëpitë e rrënuara të jenë gati për festat e fundvitit. “Do të ecim shpejt me punimet dhe brenda festave të Çlirimit të fusim një pjesë të familjeve dhe brenda Vitit të Ri pjesën tjetër, për të dalë faqebardhë dhe treguar se qytetet nuk duken kur u ndodh vakia dhe fatkeqësia, por duken sesi ngrihen dhe si reagojnë pas këtyre fatkeqësive. Tirana ia doli, nuk u panikos ditët e tërmetit dhe arriti që të ringrihet në këmbë në kohë rekord. Kjo na bën krenarë, por më e mira është përpara”, tha ai.
Nga ana tjetër, Bashkia e Tiranës ka ecur me procesin e vlerësimit të dëmit dhe dëmshpërblimit të banesave apo godinave të tjera që u prekën më lehtë nga tërmeti.
Deputeti i PS, Arben Pëllumbi falenderoi Bashkinë e Tiranës për reagimin e menjëhershëm pas tërmetit, si dhe për ndihmën konkrete që ka dhënë për t’i siguruar
shtëpi të reja të gjitha familjeve të prekura. “Mjafton të shohim si ishte shtëpia, si është sot dhe si do të jetë për festat e nëntorit. Në emër të të gjithë banorëve të Farkës, Pezës, Ndroqit, ku kudo po punohet për shtëpitë e dëmtuara dhe rrënuara, falenderoj Bashkinë e Tiranës për reagimin e shpejtë. Ne nuk e kemi në dorë fatkqësinë, kur ajo ndodh, por kemi në dorë mënyrën si të reagojmë ndaj saj dhe kjo pamje tregon si po reagojmë, si po reagon Bashkia”, tha Pëllumbi.
Lajme të tjera
-
Veliaj 'shkund' bashkinë e Tiranës, zëvendëson 12 drejtues, ndryshime në UKT dhe Policinë Bashkiake! EMRAT kush ikin e kush vjen
25 Tetor, 12:04 -
Lista e plotë e fituesve/ Maratona e Tiranës, rreth 4 mijë pjesëmarrës! Gega rekord kombëtar: Shqiptarët më dhanë forcë! Dominojnë kenianët (VIDEO)
20 Tetor, 08:07 -
Të dielën Maratona e Tiranës, Veliaj: Kryeqyteti do shndërrohet në një kartolinë të bukur këtë fundjavë, mirëpresim 4000 vrapues nga e gjithë bota
18 Tetor, 12:35 -
Rikualifikohet blloku i banimit ndërmjet Kombinatit dhe Selitës, Veliaj: Sapo mbarojmë një punë cilësore, rritet vlera e pronës
18 Tetor, 12:10 -
4 ditë nga Maratona e Tiranës, Veliaj: Më shumë së 4500 garues të regjistruar, nga 50 vende të botës
17 Tetor, 09:23 -
‘Politikanë frikacakë’, Aktivistja Xheni Karaj replikon me Sokon e Lapajn: Pretendoni se po i the bashkisë që je LGBTI, ‘fap’ të jep kredi të butë për strehim
14 Tetor, 19:20 -
Pamjet me dron të Report TV nga Bashkia e Tiranës, protestuesit e pakët rrethojnë godinën
7 Tetor, 19:59 -
Ndërtimet e reja dhe rritja e referencave, Bashkia e Tiranës arkëtime rekord 93 mln euro nga taksat
4 Tetor, 07:45 -
Veliaj: Nga shtatori i vitit tjetër ushqim falas në shkollat e kryeqytetit! Do ndërtojmë edhe Qendër për fëmijët me nevoja të veçanta
1 Tetor, 17:42 -
Tirana në Panelin e OKB-së, Veliaj: Shpërblim për punën e bërë, vijmë me 3 projekte! Vota e diasporës, premtim i mbajtur
27 Shtator, 15:57 -
Veliaj inspekton aksionin e pastrimit në Tiranë: Punonjësit e 'Eco Tirana' nuk lodhen duke pastruar qytetin! Apeli për qytetarët
23 Shtator, 09:59 -
15 qytetarë betohen për shtetësinë shqiptare, Veliaj: Jemi në ditët tona më të mira, qyteti pret 1 milion turistë në muaj
22 Shtator, 11:42
