“Eurodeputetët mirëpresin progresin e Shqipërisë në përpjekjet për të reformuar sektorin gjyqësor, i cili është një kërkesë kyçe e shqiptarwve dhe një faktor në rivendosjen e besimit në institucionet publike. Ri-vlerësimi i gjyqtarëve, prokurorëve dhe këshilltarët ligjorë janë hapa premtuese por eurodeputetët mbeten të shqetësuar në cështje të tilla si drejtësia selektive, korrupsioni, ndërhyrjet politike në hetimet dhe rastet gjyqësore”, thuhet në njoftimin për shtyp të PE.
Votimi i raportit dhe rezolutës vjen vetëm 5 muaj para zgjedhjeve parlamentare të 18 qershorit, të cilat bashkë me zbatimin e reformës në drejtësi shihen si kusht për integrimin evropian.
Megjithatë, “Shqipëria nevojitet të zbatojë në mënyrë të besueshme reformat që lidhen me BE-në dhe të sigurojë që zgjedhjet parlamentare të qershorit të jenë të lira e të ndershme, nëse duhet të nisë negociatat e anëtarësimit në BE”, citohet në pr/rezolutë.
"Verën e kaluar, parlamenti shqiptar miratoi - me konsensus - ndryshimet vendimtare kushtetuese duke hapur rrugën për një reformë shumë ambicioze.Rezoluta im rekomandon se hapja e negociatave për anëtarësim në BE me Shqipërinë, do të ndodhë kur do të nisë zbatimi i kësaj reforme vendimtare", u shpreh eurodeputeti dhe raportuesi për Shqipërinë në PE, Knut Fleckenstein.
Redaksia Online
l.q/Shqiptarja.com