Sot në qytetin e Kuçovës u zhvillua aktiviteti për t’i akorduar ish-kryeministrit Bashkim Fino, titullin e lartë “Qytetar Nderi” (pas vdekjes).
Përfaqësuesve nga Bashkia dhe Këshilli Bashkiak i Kuçovës ju bashkuan kolegë të shumtë socialistë si dhe qytetarë të Kuçovës për të nderuar ish-kryeministrin.
Ndër pjesëmarrësit ishin Kryetari i PS i Qarkut të Beratit, Bledi Çuçi, Kryetarët e Bashkive të qarkut të Beratit, Namik Dokle, Musa Ulqini, Arben Malaj, Arta Dade, Spartak Braho, e shumë politikanë të tjerë të majtë.
Të pranishëm ishin dhe familjarë e miq të ish-kryeministrit dhe njeriut që bëri bashkë politikën shqiptare në ditët më të vështira të saj.
Në emër të familjes, vajza e Bashkim Fino, Megi Fino mes falenderimeve dhe mirënjohjes për titullin e akorduar babait të saj theksoi se megjithëse Bashkim Fino ishte rritur në kalldrëmet e Gjirokastrës, Kuçovën e mbante gjithmonë në zemër si shtëpinë e tij të dytë, si vendin ku punoi me pasion dhe përgjegjësi për tre mandate dhe si vendi që i dha mandatin e deputetit për herë të parë për të vazhduar më pas si deputet i Kuvendit të Republikës së Shqipërisë për 6 legjislatura.
Kabineti i drejtuar prej tij gjatë periudhës 9 Mars 1997-29 qershor 1997 mori emrin Qeveria e Pajtimit Kombëtar.
Kjo qeveri u krijua falë vullnetit politik të partive kryesore të vendit dhe ndërhyrjes ndërkombëtare. Në datat 6 dhe 9 Mars 1997, në kulmin e trazirave në vend, forcat politike nënshkruan marrëveshjen për krijimin e qeverisë së re, me pjesëmarrje të gjerë politike. Kryetar i saj u zgjodh socialisti Bashkim Fino.
Ish-kryeministri dhe një nga deputetët më të spikatur në radhët e Partisë Socialiste, ka ndërruar jetë në moshën 58 vjeçare, më 29 Mars 2021. Prej më shumë se 1 muaji, Bashkim Fino ishte infektuar me Covid-19 dhe fatkeqësisht ai nuk e fitoi dot betejën për jetën.
Për kontributin e tij të madh në shërbim të vendit, Bashkia e Kuçovës i ka akorduar titullin e lartë "Qytetar Nderi", pas vdekjes.
Komente
Lajme të tjera
-
Berat/ Mashtronin njerëz duke përfituar shuma të mëdha parash, sekuestrohen mbi 8 milionë euro pasuri të dy personave, 10 pasuri të paluajtshme
24 Janar, 13:55 -
Ndryshime në Kod për votën e diasporës, Krashi kritika: Pas 4 muajsh, u kujtuam që e kemi bërë gabim! Shehi: S’e çan dot pushtetin, ‘tasin e supës’ e kanë PS e PD
23 Janar, 22:25 -
Spahiu: Berisha refuzoi votën elektronike, që komisionerët e PD-PS të vjedhin votat e partive të reja! Vota e Diasporës s'është e fshehtë, do kompromentojë zgjedhjet
23 Janar, 21:54 -
Basha: PL në negociata me PD për një listë, isha kundër mbylljes së tyre! Hasanaj: Berisha dhe Meta problemi kryesor! Islami: Votim si në diktaturë, s’do ketë zgjedhje
23 Janar, 18:24 -
Ujë i ndotur në Çiflig të Dimalit, banorët: Mban era naftë! Ujësjellësi: Do investojmë brenda vitit për rrjetin e ri
23 Janar, 14:02
-
PD: Peleshi zyrë patronazhimi pranë konsullatës në Selanik, e ‘maskon’ si të KQZ
22 Janar, 16:26 -
Zgjedhjet/ 'Merr jetë' pakti PS-PD, KQZ miraton aktin për listat! Partitë në garë me 186 kandidatë, 46 deputetët e parë të fiksuar
22 Janar, 16:11 -
Vota e Diasporës për 11 Majin, shkon në mbi 50 mijë numri i emigrantëve që kanë aplikuar! Mbi 25 mijë të miratuara, refuzohen rreth 15 mijë
21 Janar, 17:47 -
Zgjedhjet e 11 majit/ KQZ tregon se sa të mbyllura do të jenë listat: Për çdo parti, 46 deputetët e parë janë të fiksuar
21 Janar, 17:09
-
Konferenca e Kryetarëve, nuk miratohet kalendari i punimeve parlamentare deri më 7 shkurt, Tabaku: Ligji për heqjen e taksave shkel Kodin Zgjedhor para 11 majit
20 Janar, 12:14 -
Zgjedhjet e 11 majit/ Analiza e britanikëve të 'The Economist': Rama fiton mandatin e katërt, PD e dobësuar nga lufta e brendshme
19 Janar, 21:41 -
Balla këshilla Diasporës në Torino: Regjistrohuni të jepni votën për Shqipërinë në BE, kujdes me aplikimin në KQZ! S’duhen ndërruar as makina dhe as shoferi!
19 Janar, 20:35
