Shkuarja në Beograd e drejtorit të Agjencisë Qendrore të Inteligjencës Amerikane (CIA), William Burns, pas vizitës së tij në Sarajevë, nuk është konfirmuar e as mohuar nga zyrtarët në Serbi dhe Shtetet e Bashkuara.
CIA-ja tha për Radion Evropa e Lirë (REL) se "nuk komentojmë orarin e udhëtimit të drejtorit".
Agjencia e Sigurisë dhe Informacionit e Serbisë (BIA) nuk iu përgjigj pyetjeve të REL-it për mbërritjen e Burnsit në kryeqytetin serb, ndërsa Ambasada e Shteteve të Bashkuara në Beograd tha se të gjitha pyetjet në lidhje me këtë çështjet duhet t’i shtrohen zyrës për shtyp të CIA-s.
Presidenca dhe Qeveria e Serbisë thanë se nuk kanë asnjë informacion zyrtar për këtë vizitë.
Sipas informacioneve jozyrtare të REL-it, drejtori i CIA-s mbërriti në Beograd pas një vizite njëditore në Bosnje e Hercegovinë më 20 gusht.
Në Sarajevën, Burns diskutoi edhe për retorikën secesioniste dhe veprimet e Dodiku, tha një zyrtar i Qeverisë amerikane për Radion Evropa e Lirë, i cili kërkoi të mbetej anonim.
Burns u takua me drejtorin e Agjencisë së Inteligjencës dhe Sigurisë së Bosnje e Hercegovinës, anëtarët e Presidencës së Bosnjës dhe me ministrin e Jashtëm të Bosnjës.
Një ish-diplomat dhe ish-ambasador në Rusi, Burns është një figurë qendrore në administratën e presidentit amerikan, Joe Biden, pasi ai është gjithashtu anëtar i kabinetit presidencial të Shtëpisë së Bardhë.
Presidenti Biden e emëroi atë në pozicionin e drejtorit të CIA-s në janar 2021.
Burns u betua si drejtor i CIA-s në mars 2021, duke u bërë diplomati i parë në karrierë që shërbeu si drejtor. Presidenti Biden e promovoi atë në kabinet në qershor 2023./ REL
Lajme të tjera
-
Ndihmës Sekretari i Përgjithshëm i NATO-s takohet me Vuçiç, diskutojnë për sigurinë në Kosovë
21 Gusht, 14:23 -
Po mbahet në një burg të Serbisë, BBC artikull për shqiptarin e Kosovës me nënshtetësi britanike: Një rast krejtësisht i sajuar
21 Gusht, 12:30 -
Shefi i CIA-s ndodhet në Ballkan, pas Sarajevës sot në Beograd! Mesazhet për Serbinë dhe veprimet shqetësuese të Milorad Dodikut
21 Gusht, 11:57 -
Mesazhe kërcënuese ndaj ambasadave serbe, ministri i Brendshëm Daçiç: Kam marrë informacione nga Gjermania e Zvicra
20 Gusht, 18:09 -
Çfarë fshihet pas protestave për litiumin në Serbi: Të nxitura nga mjedisi apo të motivuara politikisht? Serbia sheh dorën e Perëndimit
20 Gusht, 16:31 -
Drejtori i CIA-s, Burns mbërrin për vizitë në Sarajevë
20 Gusht, 14:58 -
Ambasdori britanik në Beograd: Britania mbështet minierat e litiumit, por vendimin e merr qeveria serbe
20 Gusht, 08:41 -
Aleksandër Vuçiç fiton Perëndimin me premtimet për 'arin e bardhë', por humbet popullaritetin
19 Gusht, 21:17 -
'New York Times': 'Gjaku i keq' pas minierës së litiumit në Serbi! Çfarë fshihet pas, fushë beteja e perëndimit dhe protestat kundër Vuçiç
19 Gusht, 15:47
-
Kosova e aleatët përplasen për Urën e Ibrit! Stano: Nëse s’na dëgjoni, do mbeteni vetëm! DASH: S’hezitojmë të mbrojmë jetët e amerikanëve
16 Gusht, 10:30 -
BE-ja kritikon Serbinë për bashkëpunimin me Rusinë
15 Gusht, 19:42 -
Ishte në arrest shtëpie në Shkup, arratiset ish-pjesëtari i UÇK-së, Blerim Ramadani! Serbia e kërkon për krime lufte
15 Gusht, 15:49
