POP 5

Lajmet më të lexuara të 5 minutave të fundit

Kronikë

Drejtori i Policisë kundër narkotikëve në Ekuador: Mafia shqiptare shumë e mbyllur dhe e dhunshme, s’lejojnë anëtarë të tjerë që s’janë nga Shqipëria

Deri më tani këtë vit në Ekuador janë kapur 158 ton drogë, një rritje krahasuar me atë që u kap në 2021 dhe 2020.

Drejtori i Policisë kundër narkotikëve në Ekuador: Mafia shqiptare shumë e mbyllur dhe e dhunshme, s’lejojnë anëtarë të tjerë që s’janë nga Shqipëria

Drejtori i Policisë kundër narkotikëve në Ekuador, Pablo Ramírez

TIRANË- Deri më tani këtë vit në Ekuador janë kapur 158 ton drogë, një rritje krahasuar me atë që u kap në 2021 dhe 2020. Sipas një raporti të Kombeve të Bashkuara (OKB), Ekuador është vendi i tretë në botë pas Kolumbisë dhe Shteteve të Bashkuara, për sasinë e drogës së kapur, e këtu nuk bëjnë pjesë as bandat shqiptare.

Drejtori i ri i Policisë Kundër Narkotikëve, Pablo Ramírez, ka folur për bandat shqiptare, duke thënë se janë shumë të dhunshëm dhe të mbyllur, duke mos lejuar personazhe të botës së krimit që vijnë nga shtetet të tjera përveç se Shqipërisë.

“Që nga viti 2017 kemi filluar të shfaqin veçori të caktuara jo vetëm të vdekjeve të dhunshme apo tentativavë për vdekje të dhunshme të personave me kombësi shqiptare. Nëpërmjet hetimeve kemi konstatuar se janë përfshirë ky lloj i personave që vijnë nga jashtë me njohje në Europë të këtij aktiviteti kriminale që tentojnë të marrin portet dhe të shfrytëzojnë mundësinë për të kontaminuar anijet, kontejnerët , por edhe aeroportet.

Ne kemi konstatuar që njerëzit e kësaj kombësie po ndërhyjnë me forcat e tyre; Ata janë një cikël aq i mbyllur sa nuk pranojnë as njerëz me kombësi ekuadoriane, kolumbiane apo meksikane. Përkundrazi, janë të së njëjtës nacionalitet që kryejnë të gjitha funksionet që ka një organizatë kriminale, janë aq të mbyllura saqë edhe për shkak të gjuhës nuk na lejon të përparojmë ashtu siç duhet. Megjithatë, ka hetime të rëndësishme që do të përfundojnë në javët dhe muajt e ardhshëm”, tha ai në një intervistë për mediat.

Kujtojmë që në Ekuador në 22 janar të këtij viti u vra në një restorant në Guayaquil, shqiptari Ergys Dashi. Sipas mediave europiane, ai konsiderohej si një nga krerët e një bande droge mjaft të fuqishme.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43