Vendi jonë, njëjtë si vendet të rajonit por dhe botës po rishikon rikthimin e ligjit që detyron të rinjtë që të bëjnë shërbimin e detyrueshëm ushtarak.
Kështu u shpreh Aleksander Pando, drejtor i shtabit të përgjithshëm i Forcave të Armatosura në komisionin e sigurisë ku u miratua në tërësi ligji “Për karrierën ushtarake në Forcat e Armatosura të Republikës së Shqipërisë”, të ndryshuar”.
“A mos ka ardhur koha që në Shqipëri që të paktën të futet me detyrim 6 muaj shërbimi i detyrueshëm ushtarak. Njerëzit po ikin. Të rinjtë nuk dinë çfarë është pushka. Të paktën të kemi një brez të përgatitur, qoftë edhe me pagesë?”, tha deputeti Asllan Dogjani.
![]()
“Pyetja është me shumë interes për forcat e armatosura. Së shpejti do sjellim dhe një projektligj tjetër, ligji për rezervistin dhe patjetër që janë të gjitha hapësirat që ne të shikojmë ligjin aktual për shërbimin e detyrueshëm ushtarak”, u shpreh Ardit Çollaku, Drejtor i Përgjithshëm, Drejtoria e Përgjithshme Rregullatore dhe Përputhshmërisë në Ministrinë e Mbrojtjes.
“Në lidhje me shërbimin e detyrueshëm ushtarak shumë vende të Natos dhe rajonit po rishikojnë vendosjen e shërbimit të detyrueshëm. Edhe ne jemi duke e shqyrtuar. Në momentin që rekrutimet nuk na plotësojnë nevojat tona edhe ne do e marrim në konsideratë për rikthimin e këtij ligji”, tha Gjeneral Brigade Aleksandër Pando, drejtor i Shtabit të Përgjithshëm i Forcave të Armatosura.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)