Dorian Muça shef sektori në Policinë e Shtetit në drejtorinë e INTERPOl është diplomuar në SHBA, në Akademinë e Udhëheqjes së Departamentit të Sigurisë Kombëtare.

Certifikata si i diplomuar në klasën e 20 të DHSLA në Georgia të SHBA, Muçës iu dha nga sekretari i DHS, Alejandro Mayorkas së bashku me Benjamine C. Huffman, drejtorin e qendrave të federale të trajnimit për zbatimin e ligjit.

'Ambasada e SHBA në Tiranë përgëzon drejtuesin në Policinë e Shtetit, z. Dorian Muça, Shef Sektori në Drejtorinë e INTERPOL-it në Policinë e Shtetit, Departamenti i Marrëdhënieve Ndërkombëtare, për diplomimin e suksesshëm në Akademinë e Udhëheqjes së Departamentit të Sigurisë Kombëtare të SHBA (DHSLA)! Sekretari i DHS, Alejandro Mayorkas, së bashku me Drejtorin e Qendrave Federale të Trajnimit për Zbatimin e Ligjit (FLETC) Benjamine C. Huffman, i paraqitën z. Muca certifikatën e tij si i diplomuar në klasën e 20 të DHSLA më 15 gusht në Glynco, Georgia.

DHSLA ofron një mundësi unike për drejtuesit në fushën e zbatimit të ligjit dhe drejtuesit në rritje për të zhvilluar dhe përmirësuar aftësitë e tyre drejtuese. Programi përdor studime të rasteve, ushtrime praktike dhe mësim autodidakt, dhe përfshin module mbi parimet e policisë së shekullit të 21-të, mirëqenien dhe qëndrueshmërinë, dhe udhëheqjen gjatë krizave. Ky program dinamik dy-javor mblodhi së bashku 28 drejtues të zbatimit të ligjit dhe staf të nivelit komandues nga agjencitë në mbarë botën për të forcuar aftësitë e tyre dhe për të mësuar rreth burimeve të nevojshme për të penguar kërcënimet në zhvillim ndërsa lundrojnë në peizazhin në ndryshim të zbatimit të ligjit.

Ambasada e SHBA në Tiranë, Departamenti i Drejtësisë dhe FLETC janë krenarë që janë partnerë me Shqipërinë për të forcuar sundimin e ligjit.', thuhet në postimin e ambasadës së SHBA-së.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera