Drita Pelingu në rolin e
Zarinës prek suksesin e fundit
Një rol i luajtur nga Drita Pelingu është një personazh më tepër në galerinë e veprave të ngjitura në skenë nga Teatri Kombëtar. Një rol i fundit për Drita Pelingun i vë vulën ëndrrës së bukur të fillimeve të saj si aktore.
Këmbëngulja për të pasur një rol të fundit i është shpërblyer më në fund aktores Drita Pelingu me duartrokitje të ngrohta. Loja ka qenë e pëlqyer nga publiku dhe është ndjekur me interes gjatë të tria netëve të shfaqjes së fundjavës nga data 8 deri më 10 qershor. Aktorja Pelingu ka mposhtur gjithë barrierat e moshës, vështirësitë që i janë krijuar me ecjen. Në skenë duket se është harruar dhimbja e këmbës dhe ajo ka triumfuar me stoicizmin e saj klasik si aktore. Drita Pelingu i dha një fytyrë të veçantë dhe të paharrueshme rolit të Zarinës, duke e ndarë atë tejskajshmërisht nga vetvetja. Veshja e personazhit, lëvizjet skenike, sytë që nuk vështrojnë publikun, por ngjajnë sikur lëvrijnë brenda një bote të mbyllur dhe hija e kryelartësisë së personazhit, mbetur prej një krenarie të natyrshme rinore, mund të shërbenin fare mirë edhe si “nëntekste” të pavendosura në skenarin e shkruar me përkushtim nga regjisori i njohur Mihal Luarasi. Pra, aktorja Pelingu ka interpretuar duke sjellë në jetë një personazh të vërtetë skenik, duke i dhënë pak krijimtari nga vetja. Marrëdhëniet me aktorin Vangjel Toçe në rolin e Dionit, sollën në skenë një çift interesant të moshuarish. Koha skenike u zotërua nga ngjarje dhe intriga, nuk pati pauza të mërzitshme, edhe pse për gati një orë luanin vetëm dy aktorë. Drita Pelingu arriti të prezantonte në mënyrë perfekte një profil të individualizuar të personazhit Zarina. “Jam gëzuar që kam pasur kaq shumë shikues dhe miq të mi. Ishte një rol që doja ta vija në skenë dhe më besoni edhe në gjumë unë thosha fjalët e rolit. Kur të ndjek kudo, kur të ndjek pas roli, do të thotë se ky rol bashkëjeton me aktorin”, pohon ajo. Kjo është një nga mënyrat që tregon lidhjen e Drita Pelingut me pasionin e aktrimit, por nuk është e vetmja. Të tjerat janë përkushtimi dhe vullneti. Drita Pelingu ngjitet në skenë e frymëzuar nga pasioni për teatrin. Ky pasion i saj u vu re edhe gjatë tre ditëve rresht të shfaqjes “Përjetësisht Dashuria” në Teatrin Kombëtar, por edhe gjatë provave ku për çdo ditë, mëngjeseve herët niste nga puna me regjisorin dhe nuk zbriste nga skena pa arritur lojën e duhur skenike. Së bashku me aktorin e njohur Vangjel Toçe, Drita Pelingu mishëroi të gjitha karakteristikat e një çifti të vetmuar, që ndërsa përpiqen të maskojnë trishtimin e tyre në sytë e të tjerëve, ndihen të pafuqishëm ndaj të papriturave të jetës dhe frikës nga vdekja. Aktori Toçe arriti të krijonte personazhin e duhur në raport me Zarinën. U motivua qartë që për secilin do të ishte tragjike, nëse njëri shkon përpara tjetrit në botën tjetër. “Përjetësisht Dashuria”, dramë të cilën Luarasi e krijoi mbi vetminë e brezit te tretë, sjell pikërisht këtë marrëdhënie e frikë të personazhit kryesor Zarinës. Në sytë e saj, në ngjyrën që i merr fytyra, ndihet frika ndaj vetmisë. Por...është vetëm frika e lojës, frika si aktore që ajo diti ta luante aq bukur në skenë. Drita Pelingu është ndryshe në jetë. Roli i saj mbante në shpinë tragjizmin e një gruaje mbi të shtatëdhjetat, që pas largimit të fëmijëve në emigracion jetonte vetëm me të shoqin. Ajo që e mundon është frika se mos bashkëshorti vdes i pari, duke e lënë atë dyfish të vetmuar. Shqetësimet e Zarinës kanë ndikuar emocionalisht mbi të pranishmit. “Që një ditë do të katandisemi si Zarina e dimë, por nuk dimë ç’duhet bërë para se kjo të ndodh”, tha një nga shikuesit e shfaqjes së të dielës. Zarina është roli i fundit i Drita Pelingut në skenë. Është një rol i shkruar enkas nga Mihal Luarasi për aktoren e njohur. Dhe ashtu siç pritej, edhe pse me shume vite mbi supe, aktorja nuk e zhgënjeu publikun as këtë herë ashtu siç ka bërë tërë jetën e vet si aktore. Një rol i luajtur nga Drita Pelingu është një personazh më tepër në galerinë e veprave të ngjitura në skenë nga Teatri Kombëtar. Një rol i fundit për Drita Pelingun i vë vulën ëndrrës së bukur të fillimeve të saj si aktore.
(dhh/im/shqiptarja.com)
Sondazhi i ditës:
Sa përcaktuese do jetë vota e emigrantëve në zgjedhjet e 2025-ës?
-
Shumë
26.5%
-
Pak
40.1%
-
Aspak
33.4%
Vota total: 1626
Votat totale janë unike
Lajme të tjera
-
Shkodër/ Digjen 2 makina, 4 minuta më pas hidhet lëndë plasëse pranë një banese! Identifikohet njëri prej autorëve (EMRAT)
28 Korrik, 10:02
-
Njerëzit e tmerruar, pamjet pasi Hezbollahu lëshoi raketën në fushën e futbollit në Golan
28 Korrik, 09:59
-
Rikthehet vala e të nxehtit, javën që vjen sërish temperatura deri në 40 gradë celsius
28 Korrik, 09:49
-
Orban sërish kritikon Perëndimin
28 Korrik, 09:46
-
Nga Tajlanda në Singapor, ja ku shqiptarët mund të udhëtojnë pa viza! Emrat e 99 shteteve
28 Korrik, 09:44
-
Sezoni turistik/ Fluks udhëtarësh në portin e Durrësit, mbërrijnë 4144 pasagjerë, 27 sportele në funksion
28 Korrik, 09:27
-
Harris mesazh të ri për ekonominë, Trump dhe republikanët e kritikojnë për inflacionin
28 Korrik, 09:20
-
Fatos Çoçoli: Pse BE na dhuron 136 milionë euro?
28 Korrik, 09:06
-
Lezhë/ Zjarri në malin e Shëngjinit vijon, operacioni për shuarjen e flakëve nisi sërish sot! Vatër edhe në malin e Rencit
28 Korrik, 08:52
-
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Dritan Hila: Ta gëzojë Berisha dhe Rama!
28 Korrik, 08:30
-
Lufta/ Ushtria Izraelite godet bazat e Hezbollahut në të gjithë Liban, e akuzon se fshihet pas sulmit me raketë në Golan
28 Korrik, 08:12