Dritan Abazi ose Abazoviç sipas mbaresës për sllavizim, një histori trishtuese që për fat të keq e kanë pasur dhe e kaq të gjithë shqiptarët në ish Jugosllavi është rast për tu studiuar!
Së pari, ai është për tu studiuar, sepse me një moshë fare të re, me merita krejt personale, pa asnjë trashëgimi politik (faktor i rëndësishëm në Ballkan), nga hiçi brenda një periudhe të shkurtër u bo politikani më i rëndësishëm dhe kryeministri i parë shqiptar në Mal të Zi, ku shqiptarët janë trajtuar në të kaluarën edhe me keq ndoshta se sa shqiptarët e Kosovës në kohën e Milloshevicit! Racizmin e Malit të Zi e kemi provuar edhe ne të Shqipërisë sa herë që na është dashur të kalojmë në këtë shtet si tranzit e të paraqitemi në doganat e tyre! Sa herë kemi kaluar në dogana na është krijuar përshtypja se kemi gjetur para militarët e Milloshevicit! Pra, Dritani është një model dhe një shpresë se ndryshimet bëhen edhe kur nuk ka shpresë, nëse ka lider që politikën e ka pasion e po ashtu shërbimin ndaj vendit e ka dashuri e devotshmëri! Pra, Dritani është shembulli se mund të ketë rotacion elitash dhe ndryshime të mëdha, por kjo varet nga protagonizmi dhe personaliteti i liderit!
Së dyti, Dritani është rasti kur politika mund të përdoret e mund të kthehet në model suksesi edhe përtej faktit të minorancë kombëtare! Dritani, e ka arritur suksesin e tij duke zbatuar me përpikëri makiavelizmin, që të parin vendos pushtetin dhe për këtë arsye justifikon të gjitha mjetet për të arritur atë! Ai, në Ulqin flet shqip se ka nevojë për shqiptarët e ndoshta mes shqiptarëve prezantohet me emrin Abazi, e po ashtu për të qenë lider i krejt Malit të Zi, flet vetëm serbo-kroatisht e prezantohet si Abazovic! Në këtë këndvështrim, me siguri modeli i tij politik është një imitim i modelit politik të Titos, që reklamon bashkimin, por garanton qeverisjen e një pakice! Prandaj, Dritani është një model për tu studiuar nga shkencat politike ose politologët!
Së treti, me strategjitë e tij të manovrave politike "just in time" duke zbatuar "real politik" arriti të mund klasën e trashëguar politike malazeze, mundi të korruptuarit dhe me aftësitë e tij krejt personale, ju mori pushteti dhe u bo kryeministër në një moment që askush se kishte menduar dhe imagjinuar më parë!
Së katërti, shqiptarët kanë arsye të jenë entuziast vetëm për arsye historike se më në fund kemi një kryeministër shqiptarë në Mal të Zi, por premisat që ai të jetë ekskluzivisht kryeministri i shqiptarëve janë të vogla ose thuajse fare. Ai është dhe do të jetë kryeministër i malazezëve, sepse ndryshe nuk mund të rizgjidhet më dhe rrezikon ta mbyll shpejt karrierën e tij politike! Prandaj, mendoj se me fakte konkrete Dritani do të bëj pak ose shumë pak për të drejtat si shtet-formues të shqiptarëve në Mal të Zi! Megjithatë, shpresat janë që shqiptarët të fitojnë identitetin e tyre të vjedhur e tjetërsuar e kjo duhet të filloj që Dritani duhet t'i bëj ndryshimin e mbaresës "vic" të mbiemrit të tij "Abazovic", pastaj çështje madhore të shqiptarëve në Mal të Zi është ajo e pronave, e gjuhës e statusit si shtet-formues dhe e drejta e flamurit!
Lajme të tjera
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
I dërguari i SHBA për Ballkanin Perëndimor, vizitë në Malin e Zi: Mbështesim reformat në sundimin e ligjit
20 Nëntor, 15:45 -
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Ish-kryeministri malazez Abazoviç viziton Ramën në studion e tij: Edi, padyshim një nga njerëzit më origjinalë në skenën politike botërore!
19 Nëntor, 18:55 -
Abazoviç: Roli i Shqipërisë, i rëndësishëm për stabilitetin në rajon
16 Nëntor, 15:48 -
680 mijë euro po hynin në Shqipëri të fshehura në dyert e makinës, arrestohet në Muriqan 51-vjeçari! Furgoni hyri nga Mali i Zi (EMRI + VIDEO)
15 Nëntor, 11:47 -
Java Kulturore e Malit të Zi! Arti dhe tradita bashkohen në një festë të vërtetë kulturore në datat 7 me 12 Nëntor
5 Nëntor, 20:30 -
Komisioni Evropian miraton planin e rritjes, BE nis së shpejti pagesat! 6 miliard euro për Ballkanin Perëndimor
23 Tetor, 15:26 -
KE për Planin e Rritjes 6 miliardë euro në Ballkanin Perëndimor: Gjysma e fondeve do të përdoren për infrastrukturë. Ja vendi që do përfitojë më shumë dhe sa merr Shqipëria
20 Tetor, 17:34 -
Aksident i rëndë në Malin e Zi, humbet jetën çifti shqiptar nga Peja! U përplasën me një tjetër makinë
20 Tetor, 16:24 -
BE do ndajë fondet e Planit të Rritjes Ekonomike, Shqipëria pritet të përfitojë rreth 1 miliardë Euro! Ja sa marrin vendet e tjera të Ballkanit Perëndimor
13 Tetor, 18:40 -
BE-ja miraton axhendat e reformave të Shqipërisë, Kosovës dhe 3 vendeve të tjera të Ballkanit Perëndimor për Planin e Rritjes
11 Tetor, 22:19
