POP 5

Lajmet më të lexuara të 5 minutave të fundit

Opinion

Dritan Hila: Mësimi që na dha Fred Beleri!

Beleri erdhi në mes të Tiranës dhe vetëm dy njerëz e pritën dhe treguan revoltë, ndërkohë që duhet të ishin të paktën ata që terrorizoi në Peshkëpisë 30 vjet më parë dhe na tregoi që patriotizmi ynë, është deri në tastierën e kompjuterit. Madje nuk munguan as ata që fajin e gjejnë tek qeveria, që për hatër të partisë nuk njohin as komb, fe dhe atdhe, megjithëse të paktën ishte Rama që nuk pranoi t’i jepte dorën apo takonte

Dritan Hila: Mësimi që na dha Fred Beleri!

Fredi Beleri, në momentin e goditjes me vezë

Vizita e Fred Belerit në Shqipëri nga media u përqendrua në një goditje me vezë dhe me kos, veprim që mbase ka nxitur kureshtjen e kolegëve të tij që të mësonin kë kishin në krah dhe të shkuarën e tij. Por Fred Beleri na poshtëroi me ardhjen e tij, jo pse erdhi por çfarë vuri në pah.

Beleri nuk iu foli mediave shqiptare. As iu hodhi qyrret atyre që kanë 18 muaj që e mbajnë në faqe të parë e që kanë bërë me mijëra emisione televizive për të.

Duke vënë në pah kështu provincializmin e këtyre mediave që gërmojnë në çfarëdo llagëmi e kanali vetëm për të marrë klikime por pa ruajtur standarde dhe respekt për veten dhe kombin. Pasi nuk ka media në botë që të merret një vit e kusur me një person që kandidon në një fshat dhe merr 4 mijë vota, me një të kaluar të zezë dhe banale. Bravo i qoftë!

Nxori në pah aparencën kozmopolitite por në thelb mercenare të disa sovranistëve të djathtë, të cilët e kanë bërë flamur për gjasme shkelje të drejtave dhe autoritarizmit të shtetit shqiptar. Beleri erdhi, u kapardis, na dha leksion për të drejtat e njeriut dhe iku. As këtyre nuk iu hodhi qyrret.

Beleri na foli në greqisht, si një dëshmi e kontinuitetit të tij në rreshtimin antishqiptar dhe të çmontimit të kauzës sovranistë opozitare.

Beleri erdhi në mes të Tiranës dhe vetëm dy njerëz e pritën dhe treguan revoltë, ndërkohë që duhet të ishin të paktën ata që terrorizoi në Peshkëpisë 30 vjet më parë dhe na tregoi që patriotizmi ynë, është deri në tastierën e kompjuterit. Madje nuk munguan as ata që fajin e gjejnë tek qeveria, që për hatër të partisë nuk njohin as komb, fe dhe atdhe, megjithëse të paktën ishte Rama që nuk pranoi t’i jepte dorën apo takonte.

E gjitha që na mësoi edhe njëherë Beleri ishte se vuri në pah se ne jemi ende një shoqëri e paformuar si komb, e pandjeshme ndaj drejtësisë, mercenare që mendon me stomak.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Den: 01/11/2024 20:53

    Pse tani e more vesh ti qe ne jemi komb mercenaresh?

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vigjilje Krishtlindjes/ Besimtarët kremtojnë lindjen e Krishtit në kishën e Shna Ndout në Laç

Vigjilje Krishtlindjes/ Besimtarët kremtojnë lindjen e Krishtit në kishën e Shna Ndout në Laç

24 Dhjetor, 20:06