‘Dritëroi e ndjente se do të na mungonte’, Meta përkujton 91 vjetorin e lindjes së shkrimtarit: Bashkë-udhëtar inkurajues në rrugëtimin tim politik

Ilir Meta, kryetar i Partisë së Lirisë, ka përkujtuar 91-vjetorin e lindjes së shkrimtarit Dritëro Agolli, ndërsa shprehet se kontributi i tij është bërë i paharrueshëm për letërsinë shqiptare.

Teksa e konsideron fat dhe privilegj miqësinë shumëvjeçare me Dritëro Agollin, Meta thotë se ai ka qenë bashkëudhëtar inkurajues në fillimet e rrugëtimit të tij politik.

‘Sot përkujtojmë 91-vjetorin e lindjes së shkrimtarit të madh Dritëro Agolli, vlerat, veprat dhe kontributi i të cilit e kanë bërë të paharrueshëm për letërsinë shqiptare.

LEXO EDHE:
Sulmet ndaj SPAK, Silva Caka: Kur u arrestua Berisha, pse të duket habi t’i ndodhë dhe Metës? Duan të zhdukin opozitën

Gjithmonë e kam konsideruar privilegj dhe fat miqësinë shumë vjeçare me Dritëro Agollin, njëkohësisht dhe faktin që ai ka qenë bashkëudhëtar inkurajues në fillimet e rrugëtimit tim politik.

Dritëroi e ndjente se do të na mungonte shumë ndaj edhe përmes këtyre vargjeve na e dha zgjidhjen për ta patur gjithnjë mes nesh përmes veprave të tij.

“Po kur të jesh mërzitur shumë.

Në raft të librave kërkomë,

Atje do të jem i fshehur unë,

Në ndonjë varg a ndonjë shkronjë,

Mjafton që librin pak ta heqësh

Dhe unë do zbres, do vij pas teje;

Ti si dikur me mall do qeshësh,

Si një blerim pas një rrëkeje.”’- shkruan Meta.

M.Q./Shqiptarja.com

TAG:
• Ilir Meta
• dritëro agolli