Droga në Kakome, AP:
Shqipëria prodhues gjigand I marijuanës

TIRANE- Agjencia franceze e lajmeve Associated Press, e përshkruan Shqipërinë si prodhues gjigant të marijuanës dhe vend tranzit i trafikimit të heroinës. “Shqipëria, një vend i vogël ballkanik në Detin Adriatik, është një prodhues gjigant i marijuanës dhe një pikë transiti për heroinën nga Azia jugperëndimore”, shkruan AP, duke iu referuar rastit të disa ditëve më parë, kur në Kakome u sekuestruan rreth dy tonë marijuanë.
5 persona u arrestuan pak ditë më parë në lidhje me sasinë prej më shumë se 2 tonësh drogë që u gje në zonën e Kakomesë. Në kamionin ku ishte fshehur lënda narkotike u gjetën dhe dy armë automatikë kallashnikov, lëndë eksplozive, fitil zjarrpërcjellës, fishekë automatiku si dhe pistoleta.

Policia e Vlorës dhe ajo e Sarandës kanë bërë të mundur arrestimin e 5 personave në kuadër të operacionit antidroge “Guacka”. Policia sqaron se pasi u bë rrethimi i plotë i zonës së Gjirit të Kakomesë, në një rrugicë u gjet nje kamioncinë, tip Benz, me ngjyrë të bardhë dhe targa Vl 22 69 C, e cila pas hapjes ka rezultuar e mbushur me marjiuane. Konkretisht u gjetën 2000 e 77 kilogram lëndë e narkotike e ndarë në 172 pako.

Nga kontrolli i mëtejshëm i ambjeteve të tjera janë gjetur dhe sekuestruar
dy automatik model kallashnikov
gjashte kallëpe lëndë eksplozive (tritol) në peshë 3 me nga 200 dhe 3 me 400 grame
dy mbështjellje fitil zjarrpërcjellës
si dhe një sasi fishekësh model -56 dhe model -54, në total 2575 copë.