TIRANË- Sot 6 protagonistëve të aksionit të dështuar të operacionit të drogës te ‘Varri i Bamit, po u merren deklarimet në lidhje me ngjarjen e ndodhur ditën e djeshme në Tiranë. Bëhet fjalë për 5 efektivët e policisë, të cilët trafikanti iu iku nga duart në mënyrën më spektakolare. E pasi nuk arritën që të ndalonin trafikantin e drogës, efektivët i kthyen gazetarit Ergys Gjençaj duke e shtrirë përtokë vetëm për faktin se ai po filmonte këtë operacion, ku policia dështoi për ta finalizuar me arrestimin e trafikantëve që po shkëmbenin kokainë. Efektivët e policisë iu "sulën" gazetarit duke e rrëzuar mbi asfalt duke e "çarmatosur" duke i marrë celularin nga dora, duke bërë me përfaqesuesin e medias atë që do të duhej të bënin me trafikantët, që i lanë të ikin.
Pak minuta më pas, Policia arrestoi Gentian Koren, 47 vjeç, Taulant Çokun, 34 vjeç, Altin Gegen, 28 vjeç dhe Erion Prengaj 32-vjeç. Këta persona, në bashkëpunim me njëri-tjetrin, shpërndanin kokainë duke e fshehur në kuti picash, aktivitet që e zhvillonin në biznesin e Gentian Kores, në rrugën “Kujtim Laro”. Në fund u kap një sasi prej 1.128 kg kokainë në një kuti pice që ishte hedhur poshtë një makine nga një prej trafikantëve, teksa nuk dihet nëse në Mercedez ka pasur një tjetër sasi droge apo edhe armë, që mund të jenë hequr më pas.
Report TV siguroi një ditë më parë pamjet e momenteve kur agjentët e operacionales i drejtohen një mjeti tip “Mercedez Benz” brenda të cilit ishte Gazmir Cani të cilit i kërkojnë të ndalojë dhe të hapë derën. Drejtuesi i mjetit Gazmir Cani refuzon urdhrin e policisë për të ndaluar, duke i dhënë makinës me shpejtësi, duke rrezikuar njërin prej efektivëve dhe largohet nga vendi i ngjarjes. Megjithatë, arratia e trafikantit nuk i zgjati shumë pasi efektivët e kapën vetëm pas disa minutash.
Pamjet e filmuara tregojnë një mungese totale profesionalizmi nga forcat Operacionale të Tiranës të përfshira në operacion, të cilat nuk morën asnjë masë për të penguar makinën me trafikantin brenda saj që të largoheshin pa asnjë lloj pengese. Policët ishin të armatosur, por këmbëngulën vetëm që keqbërësit të hapnin dyert nga brenda. Do të mjaftonte të thyenin xhamin e makinës apo të vendosnin përpara Mercedesit një mjet të policisë për të shmangur këtë figurë amatoreske që ata bënë. Ligjërisht ato dje kishin të drejtën që të përdornin edhe armën për të shtënë në ajër, por për t’i shpuar gomat makinës, por ato nuk e kanë bërë një gjë të tillë, madje kanë rrezikuar edhe veten e tyre. Në momentin që trafikanti po largohej, ai i ka marrë përpara me makinë, çka vë në dukje edhe një përgatitje fizike jo të mirë të forcave operacionale në vendin tonë. "Ndal Policia"! Kështu duhet të thonin policët në momentin që po ndalonin trafikantin e drogës, por gjuha e përdorur prej tyre ishte jashtë çdo normave etike, ku në videon që solli Report Tv u dëgjuan edhe një fjalor banal, që shkon në kundërshtim me uniformën e Policisë. Pikërisht ky fjalor, por edhe sjellja e gabuar me gazetarin i ngarkon me përgjegjësi penale dhe ndaj tyre pritet të merret masë ndëshkimi.
Një tjetër detaj që Report Tv ka mësuar ditën e sotme është se në këtë operacion nuk kemi të bëjmë me agjentë të infiltruar brenda këtij grupi kriminal dhe as nuk do të bëhej një dorëzim i kontrolluar i parave kundrejt sasisë së kokainës, por ishte bërë një plan masash për të kapur trafikantët, ndonëse ai dështoi. Hetimet janë shtrirë edhe nëse ka pasur dekonspirim lidhur me këtë operacion.
Gazetari i 'Report Tv', Arsen Rusta ka bërë me dije të tjera detaje për atë se çfarë shkoi keq në operacionin e dështuar të Policisë, që u zhvillua një dite më parë te "Varri i Bamit". Rezulton se ka patur një plan operacional, pasi ky grup i shpërndarjes së drogës ka qenë në ndjekje nga policia prej disa kohësh, por që nuk u zbatua siç duhej nga efektivët në terren.
Ditën e djeshme, Forcat Operacionale të Tiranës ndërhynë në kushtet e flagrancës, pasi po transportoheshin me dy kuti picash një sasi prej 1 kilogramë e 128 gramë kokainë. Në momentin që u neutralizuan dy persona dhe u lokalizua një i tretë, Policia ka hasur në kundërshtimin e Gazmir Canit. Ai ka refuzuar të hapë dyert e automjeti tip 'Benz' dhe të dalë nga makina, ndërsa nuk i është bindur as postbllokut për të ndaluar.
Ka qenë pikërisht ky moment ku, sipas hetimeve të SHÇBA, plani operacional nuk është zbatuar siç duhet nga agjentët, pasi ata kishin si logjistikë motorë e automjete për t'i vendosur si bllokadë, për të ndaluar automjetin e Canit, që u kap disa minuta më vonë në një zonë tjetër të Tiranës.
SHÇBA dhe prokuroria, pritet që sot pasdite të kenë një raport final mbi veprimet e efektivëve të pranishëm në operacion, për t'ja dorëzuar Veliut që do të marrë masat për efektivët. Gazetari Rusta bën me dije se prite pezullimi i disa prej efektivëve për mosrespektim të planit operacioni dhe për sjelle joprofesionale, ku në momentin e largimit të personit të dyshuar, ata i 'hakërrehen' gazetarit Ergys Gjençaj, i cili po filmonte aksioni, duke e shtrirë barkas në rrugë.
Gazetari Ergys Gjençaj ka dhënë dëshminë e tij në Prokurorinë e Tiranës i cili ka deklaruar se ka dorëzuar 2 video që i kishte filmuar me celularin e tij.
“U thirra nga ana e Prokurorisë për të dhënë dëshminë time përsa i përket ngjarjes së djeshme. Unë e kreva detyrën time, dhashë dëshminë time, duke treguar gjithë dinamikën e ngjarjes. Po ashtu dhashë edhe dy videot e regjistruara nga aparati im celular dhe nuk më mbetet gjë tjetër veçse të apeloj që institucionet e drejtësisë të hedhin dritë mbi ngjarjen dhe të vendosin drejtësi,”- u shpreh në prononcimin e tij gazetari Gjençaj.
Lajme të tjera
-
Braçe ndan pamjet me dron të REPORT TV nga protesta e PD: Vuajtja e Tiranës një ditë para Krishtlindjeve, e bllokuar nga 102 vetë! Shkak, urrejtja ndaj këtij qyteti
23 Dhjetor, 21:55 -
Policia përgënjeshtron Berishën: Gjekmarkaj s’u dhunua, u ndje keq dhe iku! Keqardhje për Nokën, goditi efektivët! Janë evidentuar shkelësit, do procedohen
23 Dhjetor, 20:14 -
Protesta/ Gjekmarkaj humb ndjenjat dhe rrëzohet në tokë! Kryetari i PD: E goditën efektivët! Reagon policia: Berisha gënjen (VIDEO)
23 Dhjetor, 18:54 -
Ekskluzive/ Report Tv sjell pamjet me dron, një grusht militantësh te rruga e ‘Elbasanit’ bllokojnë makinat në trafik (VIDEO)
23 Dhjetor, 18:37 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Trafiku i çmendur në Tiranë? Eksperti: Këto rrugë kemi, të disiplinojmë shoferët, gjobat i kemi shumë të lira! Këta ndalojnë për të pirë kafe
23 Dhjetor, 14:46 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Më 24 dhjetor në Tiranë mbrëmje festive për Krishtlindje! Muzikë festive, koncert në 19:00 në sheshin “Skënderbej”
23 Dhjetor, 12:47 -
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Arta Dade në Festivalin e Këngës, u jep forcë vajzave dhe grave: Asnjëherë nuk është vonë për të qenë të suksesshme
23 Dhjetor, 09:07 -
VIDEO/ Skenë e shëmtuar në Tiranë, boksieri serb del në ring me këngën anti-shqiptare! Koçi e hedh 'K.O.'
23 Dhjetor, 08:44
