POP 5

Lajmet më të lexuara të 5 minutave të fundit

Kronikë

Avionë pa pilotë të Forcave Ajrore në Kuçovë në dispozicion të policisë e IKMT-së

Për të ndjekur autorët e ngjarjeve të rënda kriminale si ajo e vrasjes së policit në Fier, për kontroll të bregdetit me shtimin e fluksit të turistëve dhe për krime të tjera Policia e Shtetit do të ketë kontroll të territorit me avionë pa pilot.

TIRANE- Avionët pa pilot të Forcës Ajrore në Bazën e Kuçovës do të jenë në dispozicion edhe të policisë së Shtetit dhe IKMT për kontrollin e territorit për kanabis, krime mjedisore, emigracionit të paligjshëm apo edhe ndjekjen e autorëve ndaj një ngjarje kriminale sikurse ishte kërkimi 2 ditor i RENEAS për vrasësin e policit Novruz Cenalia në Fier.

Policia e Shtetit nevojën e ka kryesisht për monitorimin nga ajri të territorit lidhur me aktivitete apo fenomene sikurse është p.sh. kultivimi i kanabisit. Na nevojitet një koordinim mes tokës dhe ajrit për të kontrolluar sa më mirë territorin.” tha Balla.

Fluksi i shtuar i sezonit turistik ishte urgjenca që këta avionë pa pilot t’i shërbejnë policisë në zonat bregdetare.

Aktualisht qëllimi ynë është sezoni turistik. Na duhet të kontrollojmë përgjatë gjithë bregdetit të gjitha fenomenet, depozitimet e mbetjeve dhe çdo problematikë tjetër, se nuk janë vetëm ndërtimet pa leje, por edhe krimet mjedisore, dëmtimi i pyjeve etj..” u shpreh ministri.

Balla sqaron se kjo nismë është porosi e Kryeministrit Edi Rama dhe këtë javë pritet vendimi i qeverisë për të lejuar përdorimin. Dy krerët e institucioneve, kryepolici Rrumbullaku dhe kreu i IKMT Ervin Hoxha veçuan se avionët pa pilotë do të pasqyrojë si një fotografi të gjithë territorit duke ofruar panoramë të qartë aty ky ka nevojë për ndërhyrjen e shtetit.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Lejuan ndërtime të paligjshme në Shirokë, Prokuroria e Shkodrës dërgon për gjykim 9 zyrtarë të IMT-së dhe Kadastrës

Lejuan ndërtime të paligjshme në Shirokë, Prokuroria e Shkodrës dërgon për gjykim 9 zyrtarë të IMT-së dhe Kadastrës

30 Qershor, 10:43