POP 5

Lajmet më të lexuara të 5 minutave të fundit

Bota

Droni i Iranit vret një punëtor amerikan në Siri, SHBA kundërpërgjigjet

Pentagoni raportoi se një kontraktor amerikan u vra dhe pesë trupa ushtarake amerikane, si dhe një kontraktor tjetër, u plagosën në një sulm të dyshuar me dron në Sirinë verilindore të enjten, që besohet të jetë me origjinë iraniane

Droni i Iranit vret një punëtor amerikan në Siri, SHBA kundërpërgjigjet

Sekretari amerikan i Mbrojtjes, Lloyd Austin

Pentagoni raportoi se një kontraktor amerikan u vra dhe pesë trupa ushtarake amerikane, si dhe një kontraktor tjetër, u plagosën në një sulm të dyshuar me dron në Sirinë verilindore të enjten, që besohet të jetë me origjinë iraniane.

Në përgjigje, forcat amerikane filluan "sulme ajrore precize" në shënjestër mbi objektet e përdorura nga grupet e lidhura me Gardën Revolucionare Iraniane në Siri.

Sulmet kërcënuan të rrisin tensionet në të gjithë Lindjen e Mesme, e cila veccse është e trazuar pas rënies së marrëveshjes bërthamore me Iranin. Megjithatë, ditëve të fundit, ka pasur indikacione për përparim drejt zbutjes së tensioneve midis Iranit dhe kombeve të tjera në rajon.

Sekretari amerikan i Mbrojtjes Lloyd Austin tha në një deklaratë se komuniteti amerikan i inteligjencës kishte përcaktuar se droni ishte me origjinë iraniane, por nuk ofroi prova të tjera të menjëhershme për të mbështetur pretendimin.

“Sulmet ajrore u kryen në përgjigje të sulmit të sotëm, si dhe një sërë sulmesh të fundit kundër forcave të koalicionit në Siri nga grupet e lidhura me Gardën Revolucionare”, tha Austin.

Pentagoni tha se dy nga anëtarët e plagosur të shërbimit u trajtuan në vend, ndërsa tre të tjerë dhe kontraktori i plagosur u transportuan në objektet mjekësore në Irak.

Irani dhe Siria nuk pranuan dhe nuk morën menjëherë përgjegjësi për sulmet, dhe as zyrtarët e tyre në Kombet e Bashkuara në Nju Jork nuk iu përgjigjën kërkesave për koment nga agjencia e lajmeve Associated Press.

Vëzhguesi Sirian për të Drejtat e Njeriut, një monitories opozitar i luftës, raportoi se sulmet amerikane vranë gjashtë luftëtarë të mbështetur nga Irani në një depo armësh në lagjen Harabesh, në qytetin lindor të Deir el-Zour.

Vëzhguesi, i cili mbështetet në një rrjet kontaktesh lokale në Siri, tha se bombardimet e SHBA-ve në një postbllok ushtarak pranë qytetit Mayadeen vranë dy luftëtarë të tjerë. Sipas tyre, një sulm tjetër amerikan goditi edhe një postbllok ushtarak pranë qytetit Boukamal përgjatë kufirit me Irakun.

Garda Revolucionare e Iranit, e cila i përgjigjet vetëm udhëheqësit suprem Ayatollah Ali Khamenei, dyshohet se ka kryer sulme me dronë në mbarë Lindjen e Mesme.

Në muajt e fundit, Rusia ka filluar të përdorë dronët iranianë në sulmet e saj në të gjithë Ukrainën, si pjesë e luftës së saj kundër Kievit. Irani ka mohuar lidhjet me përdorimin e dronëve të tij në luftë, megjithëse vendet perëndimore dhe ekspertët i kanë lidhur komponentët e dronëve në Teheran./REL

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Qeveria ngre Autoritetin Kombëtar për Sigurinë Kibernetike! I propozon kryeministrit shpalljen e krizës dhe masat emergjente

Qeveria ngre Autoritetin Kombëtar për Sigurinë Kibernetike! I propozon kryeministrit shpalljen e krizës dhe masat emergjente

18 Dhjetor, 18:34