Dua Lipa thirrje për armëpushim në Gaza: Unë nuk e fal atë që po bën Hamasi! E di se çfarë është lufta, edhe prindërit e mi u larguan nga lufta në Kosovë

Dua Lipa thirrje për armëpushim në Gaza: Unë nuk e fal atë që po bën Hamasi! E di se çfarë është lufta, edhe prindërit e mi u larguan nga lufta në Kosovë

Dua Lipa

Këngëtarja shqiptare me famë botërore, Dua Lipa, ka shprehur zhgënjimin e saj me perceptimin e publikut për të. 

Ylli botëror tha se pavarësisht se është më e lehtë të jesh larg politikës, ndihet e detyruar të flasë për luftën Izrael-Hamas dhe të vazhdojë të bëjë thirrje për një armëpushim humanitar.

“Mendoj se nuk ka lloj diskutimi të thellë për luftën dhe shtypjen. Është diçka që kemi parë të ndodhë herë pas here. Ndihem sikur vetëm të jesh muzikante dhe të postosh për diçka nuk bën ndryshim të mjaftueshëm, por shpresoj se, të tregoni solidaritet, që është ndonjëherë gjithçka që ndjeni se mund të bëni, është e rëndësishme”, tha Lipa.

Në një intervistë për Rolling Stone, Lipa tha se botëkuptimi i saj ishte formësuar nga përvoja e prindërve të saj për të ikur nga lufta në Kosovë në fund të viteve 1990.

“Ekzistenca ime është disi politike, fakti që kam jetuar në Londër sepse prindërit e mi u larguan nga lufta. Ndjej për njerëzit që duhet të largohen nga shtëpia e tyre. Nga përvoja ime e të qenit në Kosovë dhe të kuptuarit se çfarë bën lufta, askush me të vërtetë nuk dëshiron të largohet nga shtëpia e tyre. Ata e bëjnë këtë për mbrojtje, për të shpëtuar familjen e tyre, për t’u kujdesur për njerëzit përreth tyre, për një jetë më të mirë. Kështu që unë ndihem afër tyre", tha Lipa.

Ajo paralelizoi atë që kaluan prindërit e saj dhe situatës në të cilën ndodhen aktualisht palestinezët, gjë që e shtyu atë të nënshkruante një peticion që bënte thirrje për një armëpushim.

Megjithatë, ajo ishte gjithashtu kritike për mizoritë e kryera nga Hamasi gjatë sulmit të tyre vdekjeprurës ndaj Izraelit tetorin e kaluar.

“Unë nuk e fal atë që po bën Hamasi. Ndihem shumë keq për çdo jetë të humbur izraelite dhe atë që ndodhi më 7 tetor. Për momentin, ajo që duhet të shikojmë është se sa jetë kanë humbur në Gaza, civilë të pafajshëm. Thjesht nuk ka mjaft liderë botërorë që po mbajnë qëndrim dhe po flasin për krizën humanitare që po ndodh, armëpushimin humanitar që duhet të ndodhë”, tha Lipa.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

Pas dy javësh të nxehta, temperaturat ulen ndjeshëm, termometri zbret deri në 2 gradë ceslius! E marta rikthen reshjet e shiut

Pas dy javësh të nxehta, temperaturat ulen ndjeshëm, termometri zbret deri në 2 gradë ceslius! E marta rikthen reshjet e shiut