Dueli i veçantë në BBC: Gallagher bën Balotellin "të këndojë"

Janë dashur të paktën 5 javë për të oprganizuar intervistën, pasi Mario Balotelli nuk pëlqen që të flitet për veten e tij, pavarësisht se gati cdo ditë është në faqet e tabloidëve anglezë. Për të bindur talentin italian, drejtuesit e BBC, të emisionit 'Football Focus' kanë bërë që intervistuesi të jetë as më shumë e as më pak, por këngëtari i Oasis, Noel Gallagher.

"Nëse Mancini thotë se unë duhet të rritem, atëherë ai ka të drejtë, por nuk duhet të harrojmë që unë jam vetëm 21 vjec dhe jam shumë i ri. por besoj se jam rritur në kokë, dhe si futbollist në krahasim me vitin e kaluar" tha Balotelli për këngëtarin Gallagher.

"Ishte pikërisht Mancini, arsyeja e transferimit tim te Manchester City pasi në të kundërt, nuk do vija kurrë këtu".
“Unë e konsideroj veten një person të rezervuar por pikërisht për këtë, jap përshtypjen e një tipi arrogant. Dua të qarkulloj në qytet si një djalë normal dhe të hyj në pub, pa u vënë re, për tu argëtuar" tha Balotelli.