Dueli me Scamaccën dhe mbrojtja, Berat Gjimshiti: Jemi gati, ja si e përballojmë Italinë

Pasi fitores 3-1 në miqësore kundër Azerbajxhanit, kapiteni i Kombëtares Berat Gjimshitit tha se ekipi është gati për në Euro 2024.

“Kam ardhur pak me vonesë, e mbaruam pak më vonë kampionatin. Kam gjetur një ekip që është shumë gati, dhe që është ushtruar shumë. U duk në këto dy ndeshje. Kemi edhe një javë për t’u përgatitur me Italinë. Jemi të gjithë gati.

Nuk është problem fakti që luaj me 3 mbrojtës tek Atalanta dhe me 4 te Shqipëria. Të gjithë ndeshjet e eliminatoreve i kemi luajtur me 4, nuk e kam problem.

LEXO EDHE:
'Minuta Zero'/ Kampionia e kickbox: Tifozët shqiptar kudo janë të parët! Portieria e kombëtares: Në Dortmund policët bënin foto me ne

Scamacca? Jo, nuk kemi diskutuar shumë me njëri-tjetrin. Më shumë më kanë thënë shokët që t’i bëj ndërhyrje të ashpra dhe të mos e lejoj të shënojë. Nuk do të jetë Gjimshiti përballë Scamaçës, por Shqipëria kundër Italisë.

I njohim shumë mirë, pasi kemi lojtarë që kanë vite që luajnë në Itali. Kjo është pozitive dhe mund të jetë një ndihmë për ne. Shpresoj t’i bëjmë të gjithë shqiptarët krenarë”, theksoi Gjimshiti.

Lajmi kryesor:

Kombëtarja është gati, kuqezinjtë fitojnë 3-1 kundër Azerbajxhanit! Ndeshja e radhës përballë Italisë në Euro 2024

S.DH/Shqiptarja.com

TAG:
• euro 2024