POP 5

Lajmet më të lexuara të 5 minutave të fundit

‘Duhet guxim i madh për shkarkimin e Panos’, ‘Guerrilsat’ i kundërvihen drejtuesve të Partizanit: S’jeni klub privat

Ultras Guerrils janë kthyer kundër klubit për shkak të shkarkimit të beftë të Ledio Panos si trajner të ekipit U-17.

‘Duhet guxim i madh për shkarkimin e Panos’, ‘Guerrilsat’ i kundërvihen drejtuesve të Partizanit: S’jeni klub privat

Trajneri dhe ish-futbollisti Ledio Pano

Tifozët ultras të Partizanit ‘Ultras Guerrils’ kanë reaguar ashpër në lidhje me shkarkimin e Ledio Panos, djalit të Panajot Panos, si trajner i ekipit U-17. Vetë Ledia më herët kishte deklaruar se për shkarkimin klubi e kishte njoftuar ‘me një telefonatë’ dhe se ‘nuk dinte arsyen e vërtetë’. Për të gjitha këto ‘Ultras Guerrils’ thonë se klubi po sillet si të ishte një ekip privat dhe se po largon tifozët dita ditës.

“Klubi Partizani ka marrë trajtat e një ekipi privat i cili dita ditës i largohet asaj që përfaqëson klubi më i madh dhe më popullor ne Shqipëri. Sa më shumë i largohet historisë dhe asaj çka përfaqëson fanella më e rëndë në vend aq më i madh bëhet hendeku që ka bërë shumë tifozë të largohen, ta refuzojnë dhe ta braktisin para një lloj arrogance të tillë.

Një arrogancë që fillon që me ndryshimin e simboleve të klubit për gusto personale, e mbaron në largimin nga klubi i simboleve që përbëjnë trashëgiminë e lavdisë së këtij klubi. Duhet guxim i madh që të shkarkosh dhe largosh nga klubi PARTIZANI një PANO.

PANO dhe PARTIZANI janë sinonime, dhe veprimet e klubit tregojnë të kundërtën e asaj që duhet të tregojë një klub i madh. Për disa në klub historia e Partizanit fillon në ditën kur kanë zënë zyrën, e ndoshta mbaron në ditën që e lënë, ndërsa në zemrat e tifozëve ngelin shenja të cilat nuk zhbëhen ashtu siç nuk mund të zhbëhet historia e as shija e hidhur që na lënë veprime te tilla.

Ledjo Pano i ka lënë shenjat e veta,”-shkruajnë në postimin e tyre në rrjetet sociale ‘ultras guerrils’.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46