POP 5

Lajmet më të lexuara të 5 minutave të fundit

Sociale

Dukagjini në izolim, banorët kalojnë mbi gurë: Me të rrëshqit këmba bie në greminë! Beci: Rifillon puna për ndërtimin e rrugës

Me dhjetëra banorë të Dukagjinit kanë mbetur në izolim prej një jave, pasi gjatë hapjes së rrugës së re ka rënë masivi i gurëve. Në kantier mbeti i vdekur një punëtor ndërtimi dhe rruga vijon të mbetet e bllokuar. Sipas kryebashkiakut Beci ka nisur puna për ndërtimin e rrugës.

Prej afro një jave banorët e fshatrave Pult dhe Shosh në Dukagjin janë të bllokuar për shkak të rrëshqitjes së gurëve në kantierin e rrugës së re.

Ata janë të detyruar të kalojnë në këmbë mbi masivin e gurëve, ku një gabim i vogël mund tu kushtojë jetën!

“Kemi 10 ditë që kalojmë mbi gurë. Thesin e miellin tu e mbajt në krah. Jemi 4 ditë pa bukë në Dukagjin. Nuk ka ambulancë asgjë për banorët e Dukagjinit. Këtë rrugë e bëjmë në krah. Nxënësit nuk shkojnë në shkollë. Me të rrëshqit këmba bie në greminë”, thanë banorët.

Punimet janë ndërprerë dhe rruga vijon të jetë e bllokuar prej 12 tetorit kur humbi jetën 59-vjeçari Zef Perndreu që po punonte me eskavator për hapjen e rrugës.

Banorët kërkojnë hapjen e rrugës sa më shpejt pasi nuk kanë asnjë mundësi tjetër për tu lidhur me zonën urbane.

“Nuk ka asnjë rrugë tjetër që e lidh Dukagjin me Shkodrën”

Ndërkohë kryetari i bashkisë Shkodër Benet Beci tha se ka nisur puna për zgjerimin dhe ndërtimin e rrugës nga Prekali në drejtim të fshatit Lotaj. Sipas tij Pas analizave u vendos që të ndërhyhet me shpërthime të kontrolluara në mënyrë që të hidhet poshtë pjesa e paqëndrueshme e shpatit malor që përbënte rrezik.

“Rifillon puna për ndërtimin e rrugës së Dukagjinit. Pas ndërprerjes disa ditore për shkak të fatkeqësisë së ndodhur, një grup ekspertësh kanë analizuar gjendjen e formacionit shkëmbor. Pas analizave u vendos që të ndërhyhet me shpërthime të kontrolluara në mënyrë që të hidhet poshtë pjesa e paqëndrueshme e shpatit malor që përbënte rrezik", shkruan Beci.

Rruga e Dukagjinit është një investim i Fondit Shqiptar të Zhvillimit me vlerë 1.5 milionë euro.

Rendit zhvillimet sipas orarit:
Ora 19:16
Dukagjini në izolim prej një jave, Beci: Rifillon puna për ndërtimin e rrugës

Kryebashkiaku i Shkodrës, Benet Beci ka lajmëruar se ka nisur puna për zgjerimin dhe ndërtimin e rrugës nga Prekali në drejtim të fshatit Lotaj të Dukagjinit. Në një postim në Facebook, Beci ka ndarë video teksa ka nisur puna për lirimin e rrugës e cila është bllokuar se ka rënë një masiv gurësh.

“Rifillon puna për ndërtimin e rrugës së Dukagjinit. Pas ndërprerjes disa ditore për shkak të fatkeqësisë së ndodhur, një grup ekspertësh kanë analizuar gjendjen e formacionit shkëmbor. Pas analizave u vendos që të ndërhyhet me shpërthime të kontrolluara në mënyrë që të hidhet poshtë pjesa e paqëndrueshme e shpatit malor që përbënte rrezik.

Tashmë puna po vijon normalisht për zgjerimin dhe ndërtimin e rrugës nga Prekali në drejtim të fshatit Lotaj. Ky investim kërkon edhe bashkëpunimin e komunitetit për situatën e krijuar deri në pastrimin e plotë të segmentit për një qarkullim të sigurt të mjeteve dhe banorëve”, shkruan Beci.

SI.E./Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Temperatura deri në 30 gradë celsius, nga e mërkura sërish reshje shiu! Parashikimi i motit për këtë javë

Temperatura deri në 30 gradë celsius, nga e mërkura sërish reshje shiu! Parashikimi i motit për këtë javë

6 Maj, 07:16