POP 5

Lajmet më të lexuara të 5 minutave të fundit

Politikë

Dule feston Revolucionin grek në
Derviçan: Zgjedhjet, e njëjta histori

Kryetari I PBDNJ-së, Vangjel Dule, paralajmëron nga Gjirokastra se edhe gjatë zgjedhjeve të 23 qershorit, në Shqipëri do të përsëriten situatat e mëparshme. Nga ana tjetër, ai mbetet hermetik dhe nuk deklaron se me cilën parti do të përfshihet në koalicionin.
GJIROKASTËR – Kryetari I PBDNJ-së, Vangjel Dule, paralajmëron nga Gjirokastra se edhe gjatë zgjedhjeve të 23 qershorit, në Shqipëri do të përsëriten situatat e mëparshme. Nga ana tjetër, ai mbetet hermetik dhe nuk deklaron se me cilën parti do të përfshihet në koalicionin.

Dule u prononcua gjatë një ceremonie në nderim të 192 vjetorit të revolucionit grek në Derviçan të Gjirokastrës.

Në këto festime të minoritetit, Dule merrte pjesë krahas konsullit grek në Gjirokastër, Nikolas Kotrokoi dhe kreut të Omonias, Vasil Bollano.

Pas ceremonisë fetare në nderim të të rënëve për një mision të shenjtë siç është liria dhe demokracia, është vijuar me parakalimin në qëndër të fshatit, traditë që përsëritet çdo vit.

Më pas, ky aktivitet ka vijuar me një aktivitet festiv, ku spikasnin edhe këngë patriotike.

Dule paralajmëroi përsëritjen e situatave të njohura në Shqipëri edhe gjatë zgjedhjeve të 23 qershorit sepse forcat politike në vend janë pa maturi politike për t’i dhënë zgjidhje problemeve në vend. Ai theksoi në përfundim se “Shqipëria ka nevojë për qëndrueshmëri parlamentare”.

Edhe pse jo zyrtarisht, flitet se PBDNJ-ja do të jetë pjesë e koalicionit të qendrës së djathtë. Ndërkohë, PBDNJ ka paralajmëruar krijimin e një poli të tretë politik në vend. Mësohet se PBDNJ-ja ka bërë bisedime me LSI-në, por gjithçka mes dy partive do të varet nga pozicioni që do të mbajë partia e drejtuar nga Ilir Meta në lidhje me PDIU-në.

Nëse LSI-ja dhe PDIU-ja do të formësojnë një koalicion mes tyre, atëherë PBDNJ-ja nuk do të jetë pjesë e një aleance me Ilir Metën. Në të tilla kushte krijimi i një poli të tretë mund të krijohet mes PBDNJ-së dhe FRD-së. Kjo e fundit është treguar e matur në qëndrimet e saj dhe ish-Presidenti Bamir Topi, aktualisht kryetar i FRD-së, renditet ndër politikanët që ka shmangur tonet nacionaliste në dallim nga drejtuesit e partive të tjera. Gjithsesi, mbetet për të parë.

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pezullimi i ndihmave amerikane ndihet në mbarë globin

Pezullimi i ndihmave amerikane ndihet në mbarë globin

28 Janar, 21:07