POP 5

Lajmet më të lexuara të 5 minutave të fundit

Politikë

Duma nuk paguante kredinë 
Përmbarimi i mbante rrogën

Kordinatorja për Marëdhëniet me Publikun në Partinë Demokratike Grida Duma, është detyruar të paguajë rrogën e saj si ish-zv/ministre e Integrimit, për shkak të një kredi 140 mijë euro të pashlyer. Zbulohet urdheri i nxjerre nga studio permbarimore. Duma jetonte per 1 vit me 8 mije leke te minimumit jetik. 
Zbulohen 2 kontratat 90 mijë€ që përfituan Grida e ortaku
Avokati: Si e shiti Grida Duma apartamentin e klientit tim
Kallëzimi:Grida Duma më vodhi dy apartamente me mashtrim
TIRANE- Kordinatorja për Marëdhëniet me Publikun në Partinë Demokratike Grida Duma, është detyruar të paguajë rrogën e saj si ish-zv/ministre e Integrimit, për shkak të një kredi 140 mijë euro të pashlyer. Një vendim përmbarimor i nxjerë në vitin 2012 nga studjo përmbarimore “Zig”, detyron ortakët e kompanisë së ndërtimit “Kristin Konstruksion”, Roland Rexho,gruan e këtij të fundit Marinela Rexho, ortaken tjetër Grida Duma (Shqina) dhe bashkëshortin e saj Ilir Shqina, të paguajnë shumën financiare. Vetë Grida Duma, në cilësinë e ish-zv/ministres së Integrimit ka pranuar të lerë pjesën më të madhe të rrogës së saj, për llogari të studjos përmbarimore. Rezulton se Duma, mbante në llogari vetëm shumën 80 mijë lekë të vjetra, kjo si tregues i minimumit jetik. Në kopjen e Thesarit të Shtetit, tregohet pagesa e kryer nga Ministria e Integrimit për llogari të studjos përmbarimore, ndërkohë qartësohet borderoja financiare e Grida Dumes. Ndërkohë si pasojë e këtyre veprimeve përmbarimore, studjo “Zig” ka shpallur ankandin për shitjen e një apartamenti prej 118 metra katrorë në pronësi të Roland Rexhos, administratorit të kompanisë “Kristian Konstruksion”.

Dy kontratat
Një ditë më parë gazeta “Shqiptarja.com” publikoi dy kontratat e lidhura në vitin 2006 dhe 2008 mes ortakëve Roland Rexho, Grida Duma dhe shtetasve Dritan Çela dhe Nazmi Topçiu, ku tregohet shitja e dy apartamenteve me sipërfaqe 93.2 metra katrorë në katin e gjashtë dhe 95.5 metra katrorë në katin e tretë. Të dyja kontratat janë lidhur para noteres Luljeta Kongoli, dhe se apartamentet janë shitur me një vlerë prej 93 mijë e 300 euro dhe 96 mijë e 200 euro. Çudia ka ndodhur se pikërisht ditën kur lidhej kontrata për marrjen e tokës për ndërtim, atë ditë është lidhur një kontratë tjetër, mes aksionerëve dhe Dritan Çelës, ku është vendosur shitja e apartamentit. Kjo është vetëm shifra e deklaruar tek noteri, pasi mendohet se sipërfaqja e apartamentit është shitur me një vlerë më të madhe. Në periudhën kur janë shitur këto dy apartamente, Grida Duma, aktualisht kordinatore e marrëdhënieve me publikun në PD, ka qënë aksionere me 30 për qind të kuotave në kompaninë e ndërtimit “Kristian Konstruksion”. Ndërkohë 70 për qind të aksioneve i ka pasur ortaku tjetër Roland Rexho. Pikërisht për këto dy shitje, shtetasi Albert Pali i është drejtuar me një kallëzim penal prokurorisë së Tiranës,ku kërkon hetimin e shtetasve Grida Duma dhe Roland Rexho. Aktualisht prokuroria ka nisur verifikimet lidhur me këtë çështje.

Një apartament

Ndryshe nga marrëveshja e lidhur mes palëve, ku Grida Duma, Roland Rexho dhe pronari i tokës Albert Pali kishin rënë dakort për ndërtimin e një pallati, në këmbim të dhënies së tre apartamente, kjo marrëveshje nuk është respektuar. Siç duket për t’i mbyllur gojën pronarit të tokës, aksionerët e kompanisë së sipërcituar Grida Duma dhe Roland Rexho, kanë vendosur t’i japin një apartament Palit dhe jo tre siç ishte lidhur kontrata mes palëve. Ky apartament sipas kallëzuesit ka një sipërfaqe rreth 90 metra katror, dhe jo 283 metra katror siç ishte parashikuar në kushtet e kontratës.

faksimile grida duma

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako