Durrës/ 5 shoferë  të arrestuar, 1326 gjoba dhe 24 patenta të pezulluara, Policia Rrugore bën ‘bilancin’ e një jave

Policia Rrugore e Durrësit vazhdon ndëshkimin e të gjithë shoferëve që shkelin rregullat e qarkullimit rrugor.

Si rezultat, në një javë, janë arrestuar 5 shoferë, 3 prej tyre për veprën penale "Drejtimi i automjeteve në mënyrë të parregullt" dhe 2 të tjerët për "Shkeljen e rregullave të qarkullimit rrugor".

Gjithashtu janë pezulluar 24 leje drejtimi, prej të cilave, 7 për drejtim automjeti nën efektin e alkoolit dhe 17 për drejtim automjeti me shpejtësi tej normës së lejuar.

Janë vendosur 1326 gjoba, për këto shkelje:

• 325 masa administrative për parakalime të gabuara;

• 71 masa administrative për përdorim të aparatit celular;

• 125 masa administrative për mospërdorim të rripit të sigurimit;

• 13 masa administrative për shpejtësi mbi normën e lejuar;

• 7 masa administrative për përdorim të pijeve alkoolike;

• 300 masa administrative për pushim mjeti në kundërshtim me sinjalistikën rrugore;

• 5 masa administrative për mungesë të siguracionit të mjetit;

• 18 masa administrative për mosvendosje të kaskës mbrojtëse;

• 462 masa administrative për shkelje të rregullave të tjera të Kodit Rrugor.

S.C/r.k./Shqiptarja.com

TAG:
• policia rrugore
• Durres