Një 24-vjeçare mbeti e plagosur mëngjesin e kësaj të hëne në lagjen nr.12 të qytetit të Durrësit. E reja u godit disa herë me thikë nga babai i saj, Mikel Ndoj. Autori fillimisht u largua nga vendngjarja, por arratia zgjati pak orë dhe ra në prangat e policisë.

Burimet thanë se 24-vjeçarja ishte nisur për punë, si çdo ditë kur para agjencisë imobiliare ku punonte gjeti të atin që e priste prej disa minutash. Koleget, jashtë kamerës thanë se ata debatuan ashpër, në rrugë përpara agjencisë. Në debat e sipër, 56-vjecari ka nxjerr thikën duke goditur barbarisht të bijën. Qytetari, Onard Memlika, i cili po kalonte rastësisht në rrugë ndërhyri për ta shpëtuar por mbeti gjithashtu i plagosur.

Dy të plagosurit janë dërguar me urgjencë në spitalin e Durrësit, ku mësohet se janë jashtë rrezikut për jetën. Në asfalt kanë mbetur shenjat e gjakut, si dëshmi e atyre çasteve dramatike.

Familjarë e të njohur te familjes Ndoj po merren në pyetje nga grupi hetimor për të zbardhur të plotë motivet e krimit.  Burime pranë grupit hetimor thanë se prindërit e 24-vjeçares ishin te divorcuar prej 6 vitesh, dhe i ati ishte larguar ne Itali, ku mësohet se ka kryer dhe një dënim me 2 vite burgim. Shkak për divorcin asokohe ishte bërë dhuna e vazhdueshme në familje.

Po sipas burimeve, Mikel Ndoj ishte kthyer prej disa ditësh në vendlindje me qëllimin për t’u bashkuar me familjen por ka hasur në kundërshtinë e vajzës, djalit dhe ish-bashkëshortes. Refuzimi, besohet se e çoi atë drejt aktit ekstrem ndaj së bijës, të cilën e la te gjakosur në rruge. Xhesika, e cila ende vuante pasojat psikologjike të një fëmijërie të shoqëruar nga dhuna, u përball me tmerrin më të madh sot, atë të goditjes me thikë nga i ati.

 
Rendit zhvillimet sipas orarit:
Ora 22:12
Plagosi me thikë në Durrës vajzën e tij, ky është 56-vjeçari Mikel Ndoj (FOTO)

Mikel Ndoj

Personi që shihni në foton e mësipërme është Mikel Ndoj, 56-vjeçari i ciili mëngjesin e kësaj të hëne në lagjen nr.12 të qytetit të Durrësit plagosi me thikë vajzën e tij 24-vjeçare, duke e goditur disa herë me mjetin prerës.

K.M/Shqiptarja.com

Ora 11:13
Plagosi vajzën me thikë, Mikel Ndoji kishte pak kohë që kishte dalë nga burgu! Kërkonte të ribashkohej me familjen pas divorcit me bashkëshorten

1769423021_durres.JPG

56-vjeçari Mikel Ndoj ishte dënuar me dy vite burg dhe kishte pak kohë që kishte mbaruar dënimin.

Gazetari i Report Tv, Artur Korriku raportoi se ka njohje personale me 56-vjeçarin, i cili ka treguar probleme të shëndetit mendor, megjithëse u takon organeve kompetente për ta vërtetuar.

Ndoj ishte i divocruar dhe ish-bashkëshortja punonte në një rrobaqepsi pranë vendit të ngjarjes. Mësohet se ndarja ka ardhur për shkak të dhunës që ushtronte 56-vjeçari. Ai ka kërkuar ribashkimin me familjen.

R.C/Shqiptarja.com

R.C/A.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • GOLI: 27/01/2026 10:07

    ESHTE PER TE ARDHUR KEQ,....POR: NJE NDER RASTET- I NDJERI E RITI VAJZEN E BERI ZONJUSHE, ZONJUSHJA TRADHETOI NDERIN DHE GJENEZEN DHE U MARTUA ME ZEZAK...I NDJERI SJA DOLI TE VRET VAJZEN POR BERI VETVRASJE.....ÇFAR MENDIMI KENI PER KET RAST TRAGJIK JU KOPILAT E EUROPES PERENDIMORE...

    Përgjigju
  • Iris: 27/01/2026 02:18

    /DORI/ edhe ai qytetari,Onard Memlika, qe u plagos sepse nderhyri per te shpetuar vajzen eshte /malok/,/shpellar/. Mos i kategorizoni te gjithe njerezit njelloj!

    Përgjigju
  • dori: 26/01/2026 13:41

    E tmerrshme por punë malokësh nga ata që nuk bëhen njerëz....shpellarë...

    Përgjigju
  • LORA: 26/01/2026 12:47

    Lajm i tmerrshem,babai ngre thiken mbi evlatin.Skam fjale.

    Përgjigju
  • Sondazhi i ditës: 15 Shkurt, 14:59

    Rama firmos ndryshimin ligjor që ndalon GJKKO të pezullojë ministrat, jeni dakord?

Lajme të tjera