POP 5

Lajmet më të lexuara të 5 minutave të fundit

Kronikë

Durrës, FNSH bllokon 2 anije
arrestohet pronari i njërës

Dy anijet janë blerë nga “Kurum” dhe i kishte sjellë në port për ti shkatërruar më pas të dërgohen për shkrirje  në Metalurgjikun e Elbasanit. Në mbrëmje është arrestuar pronari i anijes, Eduart Kulla dhe Emiljano Gjepali, kapiten i rimorkiatorit.
(Ne foto: Anija e bllokuar ne Durres)
Durrës, FNSH bllokon 2 anije<br />arrestohet pronari i njërës
DURRËS – FNSH-ja bllokon në Portin e Durrësit, dy anije të vjetra, të cilat pronarët po tentonin t’i kthenin për skrap pikërisht në territorin e portit. Në mbrëmje, policia ka arrestuar pronarin e anijes, Eduart Kulla dhe kapitenin e rimorkiatorit që ka ankoruar anijen.

ARRESTOHET PRONARI I ANIJES SE SKRAPIT
Policia e Durrësit ka arrestuar në flagrancë mbrëmjen e sotme, pronarin e anijes “Tabakosky” dhe kapitenin e rimorkiatorit që ka futur anijen në port pa leje. Sipas policisë, të ndaluar janë, Eduard Kulla, 47 vjeç, banues në Durrës, pronari i anijes “Tabakosky” dhe Emiljano Gjepali, 34 vjeç, banues në Durrës, kapiten i rimorkiatorit “Aleks 1”, që ka ankoruar anijen “Tabakosky” në Portin e Durrësit.

Këta persona akuzohen për kryerjen e veprës penale “kontrabandë me mallra të tjera”.  Anija “Tabakosky” është ankoruar rreth orës 12:00 të ditës së djeshme në Portin e Durrësit, duke përdorur ndihmën e rimorkiatorit “Aleks 1”, pasi Autoriteti Portual nuk i kishte  miratuar hyrjen në port.

Ndërkohë nga  hetimet e kryera nga strukturat e krimit ekonomik e financiar të Policisë së Durrësit ka rezultuar se për këtë anije nuk janë kryer proceduarat e zhdoganimit. Kjo anije ka mbërritur rreth orës 11.00 në Durrës nga Mali i Zi, me qëllim për tu shitur për skrap.

Policia po vazhdon punën për dokumentimin e plotë ligjor të kësaj vepre penale, ndërkohë materialet procedurale në ngarkim të këtyre dy shtetasve do ti kalojnë për ndjekje të mëtejshme Prokurorisë.

POLICIA DHE FNSH BLLOKOI ANIJET
Dy anijet ishin futur në port pa leje dhe pa asnjë dokument për t’u kryer pikërisht aty, shkatërrimi i tyre.
 
Ministri i Brendshëm Saimir Tahiri urdhëroi dërgimin e menjëhershëm në Port të të Forcave të Ndërhyrjes së Shpejtë dhe Policisë për të bllokuar procesin.

 Dy anijet janë blerë nga “Kurum” dhe i kishte sjellë në port për ti shkatërruar më pas të dërgohen për shkrirje  në Metalurgjikun e Elbasanit.

Ministri i Brendshëm Saimir Tahiri urdhëron pezullimin e zv/drejtorit të policisë së Durrësit Artan Hasanaj. Pezullimi është kryer menjëherë pas bllokimit të dy anijeve të cilat do të ktheheshin për skrap brenda portit të Durrësit.  Arsyeja pse u pezullua Hasanaj
 
anija e bllokuar ne durres
(Ne foto: Anija e bllokuar  FOTO TE TJERA)

Redaksia online
(s.g/arsh/shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51