POP 5

Lajmet më të lexuara të 5 minutave të fundit

Kronikë

Surprizojnë trafikantët, kokaina nga bananet 'kalon' te peshku! Kapen 7 kg në një kontejner në portin e Durrësit! I ishte vënë GPS, vinte nga Ekuadori, arrestohet pronari i firmës! Sinjalizimi nga DEA

Kapen 7 kg kokainë në Portin e  Durrësit. I vetmi ndryshimi në dërgesën e fundit të kapur ishte se nga fshehja e saj në kontejnerët me banane  ka 'kaluar' në kontejnerët me peshk dhe nënproduktet e tij. Ngarkesa vinte në vendin tonë për llogari të firmës “Fish Co”, me qendër në Tiranë, ndërsa në pranga u vu pronari i saj, Denis Doda, 35 vjeç.

Nuk ka të ndalur kalimi i kokainës nga vendet e Amerikës Latine drejt Shqipërisë përmes Porti të Durrësit. I vetmi ndryshimi në dërgesën e fundit të kapur, ishte se nga fshehja e saj në kontejnerët me banane  ka 'kaluar' në kontejnerët me peshk dhe nënproduktet e tij.

Policia e Kufitare e Porti të Durrësi sekuestroi një sasi prej 7 kg kokaine, sasi që duhet theksuar se ishte e kontrolluar pasi në të ishte vendosur një GPS. Kokaina vinte nga Ekuadori dhe ishte e fshehur në pjesën e kapakëve të ventilimit të kontejnerit. Ajo ishte e ndarë në 7 pako me peshe totale 7 kg. Kontejneri ishte i stivosur në zonën e kontejnerëve me risk, ndërsa sinjalizimi për policinë shqiptare ishte dhënë nga DEA Amerikane, e cila kishte vendosur dhe GPS në kokainë. Ndërkohë që vijojnë kontrollet në kontejnerin e kompanisë 'Fish Co'.

Ngarkesa vinte në vendin tonë për llogari të firmës “Fish Co”, me qendër në Tiranë, ndërsa në pranga u vu administratori i saj, Denis Doda, 35 vjeç

Denis Doda rezulton edhe bashkëpronar i dy kompanive të tjera me seli në Durrës që merret me impor-eksportin e peshkut. Doda rezulton bashkëpronar i tyre me dy shtetas të ndryshëm italian.

Brenda disa ditësh në muajin korrik janë kapur 3 dërgesa me kokainë në kontejnerët e kompanisë "Alba Exotic fruts" në Portin e Durrësit. Më 13 korrik kompanisë iu gjetën dhe sekuestruan 11 kg e 675, ndërsa 10 ditë më vonë, më 23 korrik u gjetën 6.5 kilogramë të tjera, të cilat ishin fshehur në kontejnerët e po të njëjtës kompani. Edhe 6 ditë më parë iu gjetën dhe u sekuestruan 7.25 kilogramë lëndë narkotike e dyshuar kokainë në kontejnerët e kësaj kompanie në vijim të operacionit “Rada" që ka nisur disa javë më parë.  

Foto nga peshimi i drogës së sekuestruar

Rendit zhvillimet sipas orarit:
Ora 15:26
U arrestua në Durrës për 7 kg kokainë, ja kompanitë e Denis Dodës

Denis Doda rezulton se është pronar i kompanisë "FISH CO", në kontejnerin e të cilës u kap 7 kg kokainë. Sipas QKB-së kjo kompani është themeluar në 2019 dhe me vendndodhje në zonën e Kasharit në Tiranë. Kjo kompani merret me Import- eksport, tregtim peshku dhe produkteve të peshkut,materialeve të peshkimit dhe lundrimit. Import- eksport, tregti me shumicë e pakicë mallra të ndryshme ushqimore, industriale, bujqësore, blegtorale, pije të ndryshme, artikuj higjeno-sanitarë, detergjentë,  artikuj kozmetikë etj.

Kliko këtu për të aksesuar ekstraktin e kompanise "FISH CO"

Doda rezulton se është bashkëpronar edhe me dy kompani të tjera, ku është bashkëpronar me shtetas italian, ku të dyja merren me Import-Eksport e peshkut, përpunim të peshkut dhe i nënprodukteve te tij. Dosa është ortak në kompaninë "GAMBERO ROSA" me seli në Durrës e themeluar në 2020 dhe në kompaninë "OCCHIO VIVO" e themeluar në 2018 po me seli në Durrës.

Kliko këtu për të aksesuar ekstraktin e kompanise "OCCHIO VIVO"

Kliko këtu për të aksesuar ekstraktin e kompanise "GAMBERO ROSA"

I.K/Shqiptarja.com

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 06/08/2021 23:13

    /ERMAL/,e ke pare <<French connection-1 >> ? N.q.s. nuk e ke pare,ose nuk e mban mend:Trafikantet e rregulluan me nje regjizor francez filmi, qe t'ia mbushnin makinen me droge dhe policia ia kapi ne NY.Regjizori e dinte per drogen dhe kishte rene dakort me trafikantet dhe kur makina <<iu zhduk>> per disa ore,u be shume nervoz.Edhe keta <<regjizoret tane te bananeve>> i kane bere marreveshjet me Ameriken Latine, dhe jo njehere si regjizori francez,por kontrata te rregullta,me afat te gjate,sic del nga kapja here pas here e <<dergesave>> ne Durres.

    Përgjigju
  • Ermali: 06/08/2021 16:10

    Po ca lloj idjotesh kemi neper prokurori dhe polici. Po ne tgjithe boten funksjonon survejimi dhe dorzimi i kontrolluar kurse te ne ja fusni si kau peles direkt pronarit te mallit ne kontenjer. Malli qe osht mrena i perket ligjerisht firmes, jo kontenjeri. Edhe tvjen me qesh kur ne komunikatat e policise shkruhet se u godit filan grup me metodat speciale te hetimit!! Qr vetem ktu ngjon metoda speciale aq sa edhe agjensite e huaja habiten, edhe nfund sjeni te zotet te gjeni kujt i perket malli, nket rast 7 kilshi

    Përgjigju
  • Populli: 06/08/2021 13:33

    Kesaj pasdite?!?! Jo po kesaj mbremje

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Seuli thotë se Koreja e Veriut po përgatitet të dërgojë më shumë trupa dhe armë në Rusi

Seuli thotë se Koreja e Veriut po përgatitet të dërgojë më shumë trupa dhe armë në Rusi

23 Dhjetor, 13:05