POP 5

Lajmet më të lexuara të 5 minutave të fundit

Kronikë

Durrës, goditet mjeku se u kërkoi
familjarëve të blinin një katate

 Mjeku kirurg i Spitalit të Durrësit, Anton Ndoj është dhunuar në krye të detyrës nga dy persona. Sipas policisë fillimisht ka pasur një koflikt verbal midis mjekut dhe Adriatik Hoxhajt, djalit të pacientit. Më pas, ka qenë nipi i pacientit, 23-vjeçari, Jurgen Hoxha i cili ka goditurmjekun duke i thyrë krahun. Sipas mjekut, ai u ka kërkuar familjarëve që të blenin një paisje për pacientin, të cilën spitali nuk e kishte në ato momente.   VIDEO
DURRËS - Mjeku kirurg i Spitalit të Durrësit, Anton Ndoj është dhunuar në krye të detyrës nga dy persona.

Fillimisht ka qenë Adriatik Hoxha, me detyrë oficer në burgun e Fushe-krujes që është konfliktuar verbalisht me mjekun Anton Ndoj 43-vjeç, pasi sipas Policisë së Durrësit ky i fundit i kërkoi që të blinte një paisje (katater) për babai e tij që e kishte të shtruar në spital.
 
Sipas Policisë, pak minuta pas konfliktit verbal midis mjekut dhe 49-vjeçarit, në konflikt është përfshirë dhe djali 23-vjeçar Jurgen Hoxha. 23-vjeçari ka goditur kirurgun e Spitalit të Durrësit duke i shkaktuar dëmtime fizike.
 
Anton Ndoj: Hoxha më dhunoi pasi i kërkova të blinte për gjyshin e tij një paisje që nuk e kishte spitali
Nga ana e tij Mjeku Anton Ndoj, ka shpjeguar mënyrën se si ndodhi ngjarja. Sipas mjekut, Jurgen Hoxha e goditi duke i thyer krahun, ndërsa babi i tij më herët e kishte kërcënuar.

“Pa 2 orësh nga ardhja e të sëmurit vjen një çun i ri, i cili më kapi për rrobash, më godet dhe më përplas.  Uni i kërkova të blinte një paisje për të sëmurin, një paisje më të mirë jo ilaç, pasi ilaçet spitali i ka të gjitha.  Është katater urinar, është i posaçëm, përdoret kur pacienti ka hemorragji. Që në momentin kur hyri me pacientin në urgjencë ai filloi të thoshte se nuk e di ti ku punoj unë, ca bëj unë e gjëra të tjera.  Konflikti ka ndodhur 2 orë pasi ka ardhur i sëmuri, pasi ai ka dalë nga salla e operacionit. Kam frakturë në shpatull. Nuk duhet dhunuar mjeku, këto situata nuk janë të këndëshme në mjekësi. Po të shikosh edhe nga komentet është një akti i dhunshëm dhe që dënohet. Unë bëj një apel që të meren masa për këtë rast”, - tha kirurgi i Spitalit të Durrësit

Më tej mjeku thotë se në spital mungon siguria, për të cilën ai u bën thirrje autoriteteve të marin masa për rritjen e saj

"Mungon siguri sepse deri sa të vijë policia jo vetëm grushta dhe shkelma por edhe shumë gjëra të tjera mund të ndodhin", - thotë mjeku.  

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Tiranë/ Deputeti Asllan Dogjani paraqitet në GJKKO për seancën paraprake! I pandehur për fshehje dhe mosdeklarim pasurie

Tiranë/ Deputeti Asllan Dogjani paraqitet në GJKKO për seancën paraprake! I pandehur për fshehje dhe mosdeklarim pasurie

10 Janar, 13:08