Dy persona të cilët kanë qenë duke konsumuar alkool në një lokal në qendër të qytetit të Durrësit janë konfliktuar me njëri-tjetrin ku për pasojë njëri prej shokëve ka mbetur i plagosur me armë të ftohtë dhe tjetri është prangosur nga policia.

Burime pranë policisë së qytetit bregdetar bëjnë të ditur se, ngjarja ka ndodhur në afërsi të Muzeumit të Arkeologjik, teksa dy shokët pas një konflikti të çastit u konfrontuan e njëri nxori një thikë dhe e plagosi shokun e tij.

Të njëjtat burime thonë se, në këtë ngjarje janë përfshirë Remzi Tepshi 50-vjeç dhe  Artan Kazazi 42-vjeç, ku Remzi Tepshi është goditur me thika në njërën prej gjymtyrëve të poshtme.

Redaksia Online
(F.T/shqiptarja.com)