Kamioni është ndaluar sapo ka dashur të imbarkohet në tragetin e linjës Durrës-Bari.
Policia kufitare e Portit të Durrësit, kishte informacion paraprak se në kamion mund të kishte lëndë narkotike.
Nga kontrollet e bëra, në pjesën e tavanit të kamionit u gjetën të fshehura 266 pako në formë cilindrike, brenda së cilave ishte masa bimore ngjyrë jeshile në gjendje të thatë, që për nga karakteristikat dyshohet se është lëndë narkotike e tipit Kanabis Sativa.
Pas kontrollit, policia arrestoi në flangrancë drejtuesin e mjetit Lulëzim Vataj 35 vjeç, banues në Tiranë.
Ndërkaq, vijon puna për hetimin e rastit dhe identifikimin e personave të tjerë të përfshirë në trafikimin e lëndës narkotike.
Redaksia Online
(e.s/shqiptarja.com)
![](https://www.shqiptarja.com/template/img/sh_logo1.png)