POP 5

Lajmet më të lexuara të 5 minutave të fundit

Kronikë

E rëndë në Durrës, vogëlushi ndjehet keq në kopsht, ndërron jetë në spital

Një fëmijë 3-vjeçar ka ndërruar jetë në qytetin e Durrësit, pasi nuk është ndjerë mirë teksa ka qenë në kopsht privat. Vogëlushi është transportuar me urgjencë në spital, por nuk ka mundur të mbijetojë
E rëndë në Durrës, vogëlushi ndjehet keq në kopsht, ndërron jetë në spital

Spitali i Durrësit

Një ngjarje e rëndë ka ndodhur këtë mesditë në Durrës, ku një fëmijë 3-vjeçar ka ndërruar jetë. Raportohet se fëmija ka qenë duke u ushqyer në një kopsht privat, kur nuk është ndjerë mirë, pasi i ka ngelur ushqimi në fyt.

Report Tv mësoi se 3-vjeçari është transportuar me urgjencë në poliklinikën e specialiteteve në Durrës dhe prej aty është çuar në Urgjencën e Pediatrisë, por fatkeqësisht nuk ka mundur të mbijetojë.

Vogëlushi ka ndërruar jetë në spital, ndërsa nuk dihen ende arsyet e ngjarjes së rëndë, por pritet ekspertiza për të hedhur dritë mbi të vërtetën. Fëmija ishte banor i lagjes nr. 4 të qytetit bregdetar. Policia ka nisur hetimet për të zbardhur shkaqet e vdekjes së 3-vjeçarit.

Njoftimi i policisë:
Informacion paraprak.

Më datë 05.04.2018, rreth orës 13:15, në lagjen Nr.4 Durrës, nga një kopsht privat është dërguar në Spitalin Rajonal Durrës në gjendje të rëndë ku ka ndërruar jetë fëmija më iniciale D.Z. 3 vjeç, banues në Durrës.

Grupi hetimor nën drejtimin e Prokurorisë së Rrethit Gjyqësor po punojnë për sqarimin e rrethanave të ngjarjes.

Rendit zhvillimet sipas orarit:
Ora 15:27
I ngeli ushqimi në fyt, mjeku i Spitalit Durrës për Report Tv: Vogëlushi ndërroi jetë në ambulancë

Menjëherë pas ngjarjes së rëndë në Durrës, ku një fëmijë 3 vjeç ndërroi jetë, pasi ishte ndjerë keq në kopsht, Report Tv është lidhur me mjekun e Spitalit të Durrësit, Gent Kavaja.

Nga raportimet e para u tha që fëmija ka ndërruar jetë në spital, por mjeku Kavaja deklaron për Report Tv se 3-vjeçari ka ndërruar jetë në ambulancë, teksa po transportohej për në spital.

“Fëmija në gjendje të rëndë në kopsht, ka ndërruar jetë në ambulancë. Grup pune për përcaktimin e shkakut të vdekjes. Personeli dërgoi 3-vjeçarin në ambulancën e lagjes”

Gent Kavaja, mjeku i Spitalit Durrës

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58