Durrës- Zbardhet vdekja ‘aksidentale’ e një 33-vjeçari në Spitallë të Durrësit, e ndodhur 8 ditë më parë, por që dyshohet se është vrasje me motive të dobëta.
35-vjeçari Majlind Habibi u arrestua sot ,(10 Dhjetor), nga Policia e Durrësit, pasi akuzohet për hedhjen nga ura të shokut të tij, 33-vjeçarit Branko Shkoza, më 2 Dhjetor.
Të dy të rinjtë, me njohje mes tyre, kanë qenë të dehur momentin e konfliktit, kurse shkak dyshohet se është bërë ngacmimi i gruas së autorit nga viktima, por hetimet janë ende aktive për rastin. Pas ngjarjes, i dyshuari e ka fshehur krimin, duke mos treguar, derisa trupi u gjet pas tre ditësh kërkime.
Pas arrestimit, i dyshuari ka shprehur pendesë dhe tha se nuk kishte për qëllim ta vriste. Ai u shpreh se vetëm e ka shtyrë në moment gjaknxehtësie dhe se kanali ishte i cekët, duke menduar që do dilte. Kur mësoi se Branko nuk kishte shkuar në shtëpi, shkoi te kanali të nesërmen dhe pa trupin e mbytur.
"Mendova se nuk do merrej vesh ajo që kam bërë. I thashë të mos ma ngacmonte më gruan, por ai më tha se gruaja ime i zgjidhte vetë hallet e saja dhe u nxeha", është shprehur Habibi sipas burimeve policore.
Policia e Durrësit reagoi sot për ngjarjen, duke dhënë edhe detaje të hetimeve paraprake. Krimi i rëndë ka ndodhur prej datës 2 Dhjetor, por trupi i 33-vjeçarit Shkoza, u gjet më 5 Dhjetor, pas kërkimeve dhe denoncimit që kishte bërë babai i viktimës.
Fillimisht u njoftua për ngjarje aksidentale, rënie nga ura mbi kanalin e ujërave të zeza, dhe për pasojë humbjen e jetës. Ekspertimi paraprak nxori këtë konkluzion. Por Policia tha se sot ai ka ndryshuar:
“Pas veprimeve hetimore të thelluara të kryera nga strukturat hetimore Durrës, nën drejtimin Prokurorisë, në kuadër të operacionit policor të koduar “Kontakti”, identifikuan dhe arrestuan autorin e vrasjes së 33-vjeçarit”.
Më tej theksohet se autori e ka hedhur nga ura viktimën “pas një sherri me motive të dobëta”.
“Nga këqyrja e trupit të viktimës nuk u konstatuan shenja dhune, por nga këqyrja e vendit të ngjarjes dhe veprimeve të tjera hetimore, grupi hetimor krijoi dyshime se ngjarja nuk ishte aksidentale”, shpjegoi policia më tej për dinamikën.
Teksa pas mbledhjes së fakteve dhe dëshmive, u zbulua dhe dokumentua me prova shkencore se Majlind Habibi, 35 vjeç, banues në lagjen nr. 15 Durrës, më 2 Dhjetor, pas një konflikti për motive të dobëta, “ka shtyrë duke e hedhur nga një urë në kanalin e ujërave të zeza shtetasin Branko Shkoza, i cili si pasojë e rrëzimit ka humbur jetën”.
Oficerët po punojnë për të zbardhur dinamikën e plotë, rrethanat dhe shkakun. Kurse hetimet e mëtejshme i kanë kaluar prokurorisë vendore, teksa do bëhet edhe klasifikimi përfundimtar i veprës penale, pasi paraprakisht dyshohet për vrasje.
Policia gjatë aksionit të arrestimit të 35-vjeçarit
Zbardhet dëshmia e autorit të dyshuar për vrasjen e shokut të tij Branko Shkoza më 2 Dhjetor.
Burime nga policia e Durrësit bëjnë me dije se pas arrestimit dhe marrjes në pyetje, 35-vjeçari Majlind Hatibi ka deklaruar se nuk donte ta vriste 33-vjeçarin dhe se vetëm e shtyu, duke menduar se do dilte vetë nga kanali i cekët.
Dëshmia e 35-vjeçarit:
“Nuk kam dashur ta vras Brankon, por e kam shtyrë duke menduar se ai do të mund të dilte nga uji, sepse aty është cekët. Isha i nxehur për shkak se ai më kishte ngacmuar gruan. I thashë të mos e ngacmonte më. Ai më tha gruaja jote i zgjidh vetë problemet e veta. Në këto kushte e shtyva. Të nesërmen mora vesh që nuk kishte shkuar në shtëpi dhe i familja po e kërkonte. Shkova te kanali dhe pashë që ndodhej i mbytur në ujë disa metra më larg. U pendova për veprimin tim. Më vonë shkoi policia atje dhe pashë një ambulancë që e mori. Mendova që nuk do merrej vesh ajo që kisha bërë, por do merrej si një rënie nga pakujdesia”.
Lajme të tjera
-
Nga Lagosi në Durrës: Sfidat e punëtorëve të huaj në Shqipëri
9 Dhjetor, 19:12
-
Durrës/ Tentuan të korruptonin efektivët e Rrugores për t'i shpëtuar ndëshkimit, në pranga 2 shoferët! (VIDEO)
9 Dhjetor, 15:05 -
Dita Ndërkombëtare Kundër Korrupsionit, PD: Megaafera e Portit të Durrësit, grabitja më e madhe që i është bërë shqiptarëve
9 Dhjetor, 15:02 -
Moti i keq në Durrës/ Pezullohet aktiviteti i anijeve të peshkimit
9 Dhjetor, 13:54 -
Durrës/ Tentoi të korruptonte me 4500 lekë policin e Rrugores që të shmangte gjobën, arrestohet shoferi i dehur! Në pranga edhe 4 të tjerë, një nën hetim (VIDEO)
8 Dhjetor, 15:41 -
Shkodër/ Vrasja e Valter Fjerzës në shtator 2023, arrestohet 22-vjeçari! Akuzohet se mbështeti autorin e krimit në Hotin e Ri (EMRI)
8 Dhjetor, 10:34 -
Fatos Çoçoli: Stop vrerit ndaj Porto Romanos! Do kemi 240 milionë euro më shumë prodhim kombëtar
8 Dhjetor, 10:23
-
Shisnin kanabis nëpër qytet arrestohet 24 vjeçari në Durrës, nën hetim shoku
7 Dhjetor, 14:14 -
Eduard Zaloshnja: 48.1% e shtetasve shqiptarë nuk banojnë në Shqipëri
6 Dhjetor, 15:48
-
U arrestua dy ditë më parë, Gjykata e Durrësit liron me arrest shtëpie ish-juristin e Kadastrës! Dosja e tretë për Mikel Zahon, akuzë për tjetërsim pronash
6 Dhjetor, 15:30 -
Durrës/ Babai e shpalli të humbur dje, gjendet i pajetë në kanal 33-vjeçari! Policia: Dyshohet se u rrëzua aksidentalisht nga ura
6 Dhjetor, 14:48 -
Durrës/ Për një nxënës, hiqet oficeri i sigurisë në shkollën artistike, prindërit në protestë! Rikthehet në detyrë pas denoncimit në Report TV
6 Dhjetor, 13:36
