POP 5

Lajmet më të lexuara të 5 minutave të fundit

Kronikë

Durrës/ Përplasi policin në vijat e bardha, zbardhet dëshmia e shoferit

Shoferi i automjetit i cili përplasi efektivin e policisë, Mariglen Allkën, teksa kalonte vijat e bardha para Drejtorisë Vendore të Policisë së Durrësit, ditën e djeshme, ka dhënë sqarimet e para mbi arsyen e tejkalimit të shpejtësisë.

Durrës/ Përplasi policin në vijat e bardha, zbardhet dëshmia e shoferit

Durrës - Shoferi i automjetit i cili përplasi efektivin 20-vjeçar të policisë, Mariglen Allkën, teksa kalonte vijat e bardha para Drejtorisë Vendore të Policisë së Durrësit, ditën e djeshme, ka dhënë sqarimet e para mbi arsyen e tejkalimit të shpejtësisë.

Gazetari i Report Tv në Durrës, Artur Korriku, ka bërë me dije se shoferi i identifikuar si Antonio Frroku, 30 vjeç, është shprehur se arsyeja e drejtimit të automjetit mbi shpejtësinë e lejuar, ka qenë se po transportonte me urgjencë në spital një të afërmin e tij.

“Po i jepja makinës me shpejtësi për shkak se po çoja një njeriun tim n spital për ndihmë mjekësore”,- është shprehur Frroku.

Po ashtu, duhet theksuar fakti që gjatë arrestimit shoferi 30-vjeçar rezultoi të ishte i dehur në masën 40%.

Polici 20-vjeçar prej mbrëmjes së djeshme ka qenë i shtruar në spital nën kujdesin e mjekëve, dhe fatmirësisht ndodhet jashtë rrezikut për jetën.

Por përplasja nga automjeti ka qenë e fortë duke i shkaktuar thyerje të legenit dhe si rrjedhojë i duhet të kalojë disa kohë në regjimin e allçisë.

Për të ngushëlluar efektivin dhe për siguruar se ligji do të zbatohet me përpikmëri, ministri i Brendshëm, Taulant Balla, ka vizituar në ambientet e spitali, policin Allka.

Gjatë vizitës së tij, Balla nënvizoi se do rritet ndëshkueshmëria ndaj shkelësve të rregullave të qarkullimit rrugor, si dhe shtoi se do të propozohet paketë ligjore e cila parashikohet të godasë rreptë drejtuesit e automjeteve të çfarëdoshme që shkelin Kodin Rrugor në perimetrin e sigurisë së shkollave, në qendrat e banuara e pranë institucioneve.


Lajmi kryesor:

Report Tv siguron videon, momenti kur efektivi i Durrësit përplaset te vijat e bardha, makina me shpejtësi e 'fluturon' në ajër


K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Frroku: 02/12/2023 05:40

    Keta frrokat qe kan zbritur nga shpellat jan rrezik per te tere njerezit

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vuçiç: Sa të jem unë president, nuk do ta njoh kurrë Kosovën

Vuçiç: Sa të jem unë president, nuk do ta njoh kurrë Kosovën

25 Dhjetor, 21:43