POP 5

Lajmet më të lexuara të 5 minutave të fundit

Politikë

Durrës, Rama: Sot ne do japim
tituj pronësie, jo "Shaban-tapi"

Sot kryeministri Rama ka shpërndarë dokumentet e legalizimit të banesave në zonën e Kënetës. Ai theksoi se "legalizimet falas po rrisin sigurinë dhe po garantojnë progres real". (Në foto: Tapitë e ndara sot nga Kryeministri.)
Durrës, Rama: Sot ne do japim<br />tituj pronësie, jo
DURRËS- Sot kryeministri Edi Rama ka shpërndarë dokumentet e legalizimit të banesave në zonën e Kënetës. Pak para aktivitetit, kryeministri Edi Rama ka shpërndarë një njoftim në rrjetet sociale, Twitter dhe Facebook ku shkruan se “legalizimet falas po rrisin sigurinë dhe po garantojnë progres real”.

Duke folur në takimin e organizuar në zonën e Kënetës në Durrës, kryeministri Edi Rama deklaroi se "qeveria sot do të japë tituj pronësie, e jo Shaban-Tapi."
 
Sipas kryeministrit, “janë mijëra familje që kanë paguar një dhe më shumë herë për xhepat e atyre që shfaqeshin në dyert tuaja vetëm në kohë fushate. Ato të famshmet Shaban-tapitë e fushatave familjare”. “Sot ne do të japim tituj pronësie, duke bërë një ndryshim thelbësor, jo vetëm që qytetarët të shkojnë tek ALUIZN-i, por ai të vij tek ju për t'ju dhënë dokumentacion”, tha kryeministri Edi Rama.
 
“Kemi namin që premtojmë shumë por nuk dimë të mbajmë fajlën. Jemi sot këtu për të çuar përpara realizim konkret të një zotimi madhor të fushatës tonë. Jo vetëm të fushatës së PS-së, por edhe LSI-së për të ecur më shpejtë”, deklaroi kryeministri Rama.
 
“Si aleancë, ne jemi këtu të gatshëm që zotimin tonë për të kryer dhe për të mbyllur legalizimet si një plagë e madhe e thelluar, ta bëjmë realitet. Ta bëjmë realitet duke filluar me dhënien e dokumenteve të pronësisë për 160 mijë aplikimeve të bëra në vite për të cilat nuk është bërë asgjë dhe askush asnjëherë nuk ka vajur ti trokas në derë të qytetarëve”, tha ai.
 
Sipas Ramës ky proces do t’i jap fund një plage të vjetër në Shqipëri.

Kjo ndihmon edhe ekonominë, tha Rama. “Ne e bëjmë këtë jo vetëm që çdo njeri që ka ndërtuar një shtëpi të bëhet pronar por edhe për ekonominë. Sepse këto familje kanë investuar gjithçka kanë patur për një shtëpi, gjitha paratë i kanë në murre dhe çati. Në momentin që një person ka letrat e banesës në dorë, ai ka një kapital. Me këto letra ai mund të shkojë në bankë të marrë një kredi për të hapur një biznes të vetin, të vetëpunësohet dhe të bëjë një aktivitet tregtar dhe ekonomik”, u shpreh Rama. 
 
BANESAT NË TOKËN E SHTETIT, JA SI DO TË PROCEDOHET
Personat që kanë ndërtuar në tokën e vet nuk do të paguajnë për legalizimin e banesës së tyre. Ndërsa ata, sqaroi Rama, “që kanë ndërtuar në një pjesë toke të shtetit do të ndjekin një procedurë tjetër.”

"Kemi një grup njerëzish që kërkojnë legalizim dhe një grup njerëzish që kërkojnë kthim pronash." 

”Në qoftë se je në tokën e shtetit së pari kush paguan vlerën që është më e ulëta për 300 metra katrorë, dhe mbi 300 metra tokë kalon në vlerën e tregut. Kush paguan menjëherë ka 20 % ulje çmimi dhe përfitim letrash me vlerë. Kush nuk paguan menjëherë e merr përsëri legalizimin, bëhet pronar dhe ka mundësi të paguaj pas një viti por nuk përfiton nga ulja 20% por vetëm pjesën e letrave me vlerë. Kush nuk paguan as pas një viti nuk përfiton asnjë ulje e merr legalizimin por ka kufizim hipotekor. Është pronë që mund të shitet por kufizimin e merr ai që e blen.”- sqaroi Rama. 

Proceduara e legalizimit është bërë edhe më e thjeshtë. Tani nuk është e detyrueshme që qytetari të shkojë tek Drejtoria e ALUIZNI-t, "por do të jetë ALUIZNI ai që do të shkojë tek qytetarët për t’iu dhënë titullin e pronësisë për banesën", tha Rama.

TË PAGUAJMË ENERGJINË SE NË TË KUNDËRT DO SHKONI NË BURG
Kryeministri Edi Rama ka kërkuar në Durrës nga qytetarët që të mos vjedhin energjinë. “Energjia vidhet si në Haradosh dhe Shqipëria është me të vërtetë në pikë të hallit nga gjendja e energjisë elektrikedhe asnjë nga ne nuk duhet që të vjedhë energjinë”, tha ti. “Ne nuk jemi si ata që ikën, që ngrinin të fortë me pinca në dorë të cilët shkonin nëpër zonat e varfëra dhe mblidhnin lekët. Ne do e nisim nga më të pasurit. Gjithashtu do të çojmë në Kuvend propozimet që ata që vjedhin energjinë të bëjnë burg dhe të paguajnë gjobën”, theksoi gjatë fjalës së tij, kryeministri Edi Rama.
 
“Ishte kënaqësi që dhamë një titull pronësie për një qytetar nga Maminasi, i cili kishte vënë edhe flamurin e PD-së, se mos e shikonin me sy tjetër. Por jo, mazallah. Ata kanë legalizuar vetëm për të fituar jo për qytetarët”, tha kryeministri Edi Rama.

RAMA NE TWITTER: SOT FORCOJME BASHKEPUNIMIN ME KOMUNITETIN
Mëngjesin e sotëm kryeministri Edi Rama la një shënim në Twitter:  “Sot në Kënetën e Durrësit për të forcuar bashkëpunimin me komunitetin”, vijon ai në Twitter.
  Një javë më parë, kryeministri Rama shpërndau falas tapitë e ndërtimeve informale në zonën e Paskuqanit në Tiranë.

Redaksia online
(esh/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kompleksi i 29 Nëntorit është më i madh tek e majta

Kompleksi i 29 Nëntorit është më i madh tek e majta

29 Nëntor, 19:14 nga Ben Andoni