Pas një pezullimi tre ditor si pasojë e mos funksionimit të dy vinçave, ka nisur puna në terminalin e kontenierëve në portin e Durrësit.
 
Ndonëse një detyrim ligjor i vetë konçensionarit për të ofruar shërbim 24 orë,  Autoriteti Portual reagoi duke vënë në funksion njërin prej vinçave i cili do të shërbejë për shkarkimin e anijeve tregtarë, të cilat presin në radhë për të kryer procedurat.
 
Falë ndërhyrjes dhe punës së përbashkët u mundësua vënia në punë e njërit prej vinçave në mënyrë manuale.
 
Nëndrejtori i portit Durrës Ardjan Qiriçi sqaron se nga ana e institucionit që ai drejton është ofruar një vinç, i cili do të jetë në funksion deri në riparimin e dy elektrovinçave që i disponon koncensionari privat.
 
Qiriçi, shpjegon se konçensionari turk, i cili prej vitesh e menaxhon këtë terminal ka vetëm dy vinça dhe ato i ka me defekt të rëndë, duke krijuar një situatë kritike përsa i përket transportit të mallrave.

“Prej dy ditësh nuk kishte asnjë operim në port, u morën të gjitha masat. Porti i Durrësit ishte gati që të merrte pjesë në operim edhe me mjetet e tij, por nga dje situata u përmirësua dhe është duke u punuar në terminale. Kërkohet një punë akoma më e mirë nga ana e koncensionarit” tha ai.
  
Ky nuk është rasti i parë që puna ndërpritet në terminalin e kontenierëve në portin detar të Durrësit.
 
Vazhdimisht kompanitë e biznesit, mallrat e të cilëve hyjnë në vendin tonë nëpërmjet portit të Durrësit janë përballur me ndërprerje të punës pa paralajmërim për shkak të mosfunkionimit të vinçave.

porti durres

porti durres

porti durres
Redaksia Online
(F.T/shqiptarja.com)