Durrës, sekuestrohen në port
20 kg heroinë me destinacion Italinë

TIRANE- Sekuestrohen 20 kg heroinë në portin e Durrësit. Sasia e konsiderueshme e lëndës narkotike është bllokuar mbrëmjen e sotme gjatë kontrollit rutinë që kryhet në terminalin e trageteve. Blutë e Durrësit kanë venë në pranga drejtuesit e automjetit, ku u gjet sasia prej 20 kg heroinë, Gentian Fejzi, 38 vjec, lindur në Kolonjë e banues në Tiranë.

Policia e qytetit bregdetar nuk bëjnë të ditur identitetin e drejtuesit të mjetit i cili është dhe poseduesi i heroinës. Ndërkaq pas shoqërimit të tij në drejtorinë e policisë së Durrësit, dhe marrjes në pyetje, hetimi është shtrirë më tej tek personat e fundit që kanë kontaktuar me poseduesin e 20 kg heroinë, për të zbuluar më tej personat e tjerë të përfshirë në këtë rrjet të trafikut të lëndëve narkotike. I arrestuari në flagrancë nga policia kishte si destinacion për të transportuar lëndën narkotike, Italinë.
Droga është gjetur në dyshemenë e kabinës së mjetit, Mercedez Benz me targa AA 880 DP, e cila ishte dopiuar. Droga ishte  fshehur në 37 pako me substancë të dyshuar si narkotike e llojit heroinë, me peshë totale 19 kg e 726 gramë.
Gjithashtu në cilesine e provës materiale ketij shtetasi i sekuestrua automjeti, 2 telefona se bashku me 3 karta SIM si dhe shuma prej 1.200 Eurosh.

Materialet proceduriale lidhur me këtë praktikë iu përcollën per hetime te metejshme Prokurorise për Krimet e Renda Tirane per vepren penale te trafikimit te lendeve narkotike, kryer ne bashkepunim.


(jd/shqiptarja.com)