POP 5

Lajmet më të lexuara të 5 minutave të fundit

Kronikë

Durrsakja i kthente në miliona vjedhjet e grupit të kasafortave, hajdutët sulmonin shtëpi të VIP-ve në Tiranë

Policia e Tiranës ka zbuluar se një 33 vjeçare nga Durrësi e shpallur në kërkim ishte personi që konvertonte në miliona sendet me vlerë që grupi vidhte në vila dhe në shtëpitë e Vipave në Tiranë. Ndërkohë është arrestuar një tjetër pjesëtarë i rëndësishëm i bandës, Arjan Rrupi nga Durrësi.

Bizhutë dhe sendet me vlerë që vidheshin nga grupi i kasafortave  fillimisht depozitoheshin në Durrës dhe më pas dërgoheshin jashtë Shqipërisë nga 33 vjeçarja e shpallur në kërkim. 

Kjo e fundit u identifikua nga policia pas finalizimit të operacionit të koduar “Sezoni” ku 1 ditë më parë në pranga përfunduan 3 nga hajdutët. Burime të policisë i treguan Report Tv që vendi ku ajo siguronte milionat nga sendet e çmuara ishte Maqedonia e Veriut.

33 vjeçarja nga Durrësi është pjesëtarja e vetme e identifikuar e pa arrestuar,  pasi këtë të enjte u kap Arjan Rrupi,  personi kyç në të paktën 8 vjedhje. Objekt i sulmit nga grupi ishin vilat luksoze, midis tyre shtëpia e një juristi dhe e një mjeku në Tiranë gjatë kohës kur të zotët ishin me pushime.

45 vjeçari Rrupi nga Durrësi është një emër i njohur për policinë pasi më herët ka qenë i dënuar  për veprat penale “Prodhimi dhe shitja e narkotikeve” e “Armëmbajtja pa leje”.

Për të vënë në jetë planin  hajdutët përdornin bllokues valësh si dhe pajisje të specializuar për hapjen e kasafortave.  Kjo pajisje nuk gjendet lehtë dhe e disponojnë grupet e strukturuara  kriminale  pasi për ta blerë atë duhen të paktën 200 mijë Euro, tregon një ekspert që heton vjedhjet.  Megjithatë pas shumë sekuestrimesh,  pajisja nuk ka rënë akoma në duart e policisë.  Bashkë me të mungojnë edhe dy kasaforta të tjera që u përkasin personave Vip në Tiranë. Nga ana tjetër bllokuesi i valëve të celularëve, sipas ekspertit të policisë, bllokonte fushëpamjen edhe për kamerat e sigurisë në zonë . Por një kamerë jashtë rrezes së bllokuesit ka filmuar njërin nga automjetet e grupit në një prej ngjarjeve. Grupi dyshohet që ka edhe bashkëpunëtorë të tjerë veç bllokuesve të valëve përdorte pajisje speciale për të hapur dyert e blinduara pa dhunë. Sipas policisë nga kryerja e banesave, dyert nuk ishin dëmtuar dhe ishin hapur si me çelës. Pas arrestimit të Arjan Rrupit u sekuestruan në cilësinë e provës materiale sendet me vlerë, shuma të konsiderueshme parash, veshje, 3 aparate celular, njëra prej kasafortave të vjedhura, 1 automjet dhe sendet që autorët përdornin për të kryer vjedhjet.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35