Dy kundërshtarë me peshë mbi 105 kilogramë. Mjafton kaq për të treguar që këtë të dielë në Shkodër do jetë një superpërballje për peshat e rënda në boks, me kampionin shqiptar Nelson Hysa, i cili përballet me kampionin e Çekisë Pavel Sour. Pas peshimeve zyrtare ky ishte momenti i parë kur dy titanët u panë sy më sy.
Hysa, 38-vjeç, kërkon fitoren e gjashtë në gjashtë ndeshjet e para në boksin profesionist.
“Shpresoj të bëjmë një ndeshje të denjë për të kënaqur sportdashësit, por gjithashtu të marrim edhe një rezultat pozitiv”, tha boksieri Nelson Hysa.
![]()
Ky aktivitet që nis në orën 17:00, por që ndeshja kryesore pritet të jetë rreth orës 19:00 do të zhvillohet në pallatin e sportit Qazim Dervishi në Shkodër, qytetin e Nelsonit.
“Në bazë të njerëzve të cilët na kanë marrë dhe janë interesuar për biletat dua t’iu them që hyrja është e lirë (falas)”, tha boksieri Nelson Hysa.
40-vjeçari çek ka 23 ndeshje në boksin profesionist dhe renditet i 199 në rang listën botërore, ndërsa 38-vjeçari shqiptar është i 256.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)