POP 5

Lajmet më të lexuara të 5 minutave të fundit

Dy gjenerata,një mendim:Kjo politikë zhgënjeu!

Mbrëmë në të njëjtën orë, por në një distancë prej 7000 mijë kilometrash dy politikanë shqiptarë, një i djathtë dhe një e majtë, njëri veteran dhe tjetra e gjeneratës së re...
Dy gjenerata,një mendim:Kjo politikë zhgënjeu!
Mbrëmë në të njëjtën orë, por në një distancë prej 7000 mijë kilometrash dy politikanë shqiptarë, një i djathtë dhe një e majtë, njëri veteran dhe tjetra e gjeneratës së re, me 30 vite diferencë nga njëri-tjetri arrijnë në të njëjtin përfundim: Politika shqiptare i ka zhgënjyer.

Nga Uashingtoni, nga studiot e Zërit të Amerikës, Eduard Selami një nga pionerët e politikës shqiptare, deputet i Partisë Demokratike, sulmoi ashpër dhe me një zë që tregonte hidhërim, por edhe dhimbje; ai akuzoi jo vetëm lidershipin e ri të partisë së tij, por tërë klasën politike shqiptare që ka qeverisur Shqipërinë në 20 vitet e fundit se e ka çuar vendin në drejtimin e gabuar duke tradhëtuar parimet demokratike në vend dhe brenda partisë. “Tashmë partitë politike në Shqipëri janë prona personale të liderëve që i drejtojnë”.

Në Tiranë, në studiot e Report TV e qartë dhe e vendosur edhe deputetja më e re e Kuvendit të Shqipërisë: Kejdi Mehmetaj, 22 vjeç, e zgjedhur nga LSI, edhe pse me fjalë të tjera, shpalosi të njëjtin hidhërim: “Politika është ndryshe nga ajo e parimeve dhe e fjalëve të bukura që thuhen në media... Unë jam zhgënjyer për burokracitë që duhet të kalosh nëpër dyert e insitucioneve. Predikohet ajo që është e pastër dhe e drejtë në media dhe kur bën punën konkrete aty kupton që luhen gjëra që nuk janë në interes të qytetarëve...”

Përballë politikanëve që tashmë janë totalisht të paaftë të dëgjojnë e të njohin realitetin, vuajtjet dhe përjetimet rënkuese të popullit të vet, më në fund dalin në sipërfaqe zërat e dy prej tyre që ndoshta për arsye të ndryshme u ndriçuan për të kuptuar atë që po ndodh: kjo politikë po na ka zhgënjyer!

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Nesër sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

Nesër sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut

24 Dhjetor, 13:12