POP 5

Lajmet më të lexuara të 5 minutave të fundit

Kronikë

Aksidenti tragjik në aksin Lezhë-Shkodër, ndërron jetë te Trauma infermierja, në gjendje të rëndë bashkëshorti! Të plagosur edhe fëmija i mitur dhe vjehrra

Është rënduar bilanci i aksidentit të ndodhur paraditen e sotme në superstradën Lezhë-Shkodër, ku ka ndërruar jetë në spital Marjeta Gjergji, që mbeti e plagosur rëndë nga përplasja. Marjeta Gjergji, me profesion infermiere, u dërgua në spitalin e Traumës pas aksidentit, por fatkeqësisht nuk mundi t’i mbijetonte plagëve të marra.

LEZHË- Është rënduar bilanci i aksidentit të ndodhur paraditen e sotme në aksin Lezhë-Shkodër, ku ka ndërruar jetë në spital Marjeta Gjergji, që mbeti e plagosur rëndë nga përplasja. Marjeta Gjergji, me profesion infermiere, u dërgua në spitalin e Traumës pas aksidentit, por fatkeqësisht nuk mundi t’i mbijetonte plagëve të marra. Po ashtu të plagosur kanë mbetur edhe bashkëshorti i saj, i cili ndodhet në gjendje të rëndë, djali i tyre i mitur dhe vjehrra e viktimës, këta të fundit jashtë rrezikut për jetën.

Aksidenti u regjistrua rreth orës 12:00 të paradites së sotme, në vendin e quajtur kryqëzimi i Kakarriqit, ku automjeti i drejtuar nga bashkëshorti i Marjeta Gjergjit me një automjet tjetër, ku paraprakisht shkak dyshohet të ketë qenë një parakalim i gabuar. Fatmirësisht, personat që ndodheshin në automjetin tjetër nuk kanë marrë lëndime serioze.

Ndërkohë një 15-vjeçar mbeti i plagosur sot po në Lezhë, si pasojë e një tjetër aksidenti të ndodhur rreth orës 10 të paradites së sotme. Aksidenti u regjistrua në aksin Lezhë-Laç, në afërsi të kryqëzimit të Rrilës, ku një automjet tip "Volsvagen" përplasi të miturin i cili po kalonte rrugën. Ai u dërguar për ndihmë mjekësore në spitalin rajonal të Lezhës, ndërsa policia shoqëroi në komisariat drejtuesin e mjetit që shkaktoi aksidentin, shtetasin me iniciale Ç.M 56-vjeç banues në Lezhë.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça