Dy ngjarje me katër të vrarë, gjykata e Apelit mbyll në qeli Altin Ndocin

Dy ngjarje me katër të vrarë, gjykata e Apelit mbyll në qeli Altin Ndocin

Altin Ndoci, njeriu i arrestuar dhe akuzuar nga prokuroria e Durrësit për vrasjen e dy vëllezërve Besmir e Viktor Haxhia, do vijojë të qëndrojë në burg. Ndoci, kishte ankimuar vendimin e shkallës së parë, në gjykatën e Apelit Durrës, por ditën e sotme kjo gjykata ka vendosur të lerë në fuqi masën e “arrestit në burg”.

Ndoci, ka pretenduar se nuk ka asnjë lidhje me ngjarjen por prokuroria ka shprehur, qëndrim të palëkundur në kërkesën e saj për caktimin e masës së “arrestit në burg”, për Ndocin. Veç dy vrasjeve të dy vëllezërve, Ndoci akuzohet nga prokuroria për vrasjen e dyfishtë të Dorjan Shkozës dhe Anxhelo Avdylit ngjarje kjo e ndodhur në qytetin e Durrësit. Në pranga për këtë ngjarje ka rënë dhe i riu Klevis Alla, i cili tashmë ka pranuar të bashkëpunojë me policinë e Durrësit, duke treguar mënyrën se si kanë kryer vrasjet, vendin e hedhjes së armëve, braktisjen e makinës së krimit dhe emrat e personave që kanë marrë pjesë në vrasje.

Alla nuk kishte bërë ankimim të vendimit të gjykatës së shkallës së parë, duke preferuar që pas dy ngjarjeve të rënda, të qëndrojë i izoluar në qeli. Lidhur me këtë dy ngjarje policia dhe prokuroria e Durrësit vijojnë të hetojnë për identifikimin dhe arrestimin e personave të tjerë. Motivi kryesor që dyshohet për kryerjen e dy krimeve me 4 viktima ka qenë konflikti për drogën dhe modifikimi i makinave të vjedhura në servise.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Forcohet leku, monedhat e huaja sërish në rënie! Ja sa këmbehen sot

Forcohet leku, monedhat e huaja sërish në rënie! Ja sa këmbehen sot