POP 5

Lajmet më të lexuara të 5 minutave të fundit

Bota

Dy persona humbin jetën pasi morën vaksinën ‘AstraZeneca’, nisin hetimet në Korenë e Jugut

AstraZeneca tha se ishte në dijeni të hetimit nga Agjencia Koreane e Kontrollit dhe Parandalimit të Sëmundjeve (KDCA), por siguria e vaksinës është studiuar gjerësisht në provat klinike dhe me të dhëna që konfirmohen rezultatet kanë qenë të mira

Dy persona humbin jetën pasi morën vaksinën ‘AstraZeneca’, nisin hetimet në Korenë e Jugut

Vaksina 'Astra Zeneca'

Autoritetet e Koresë së Jugut po hetojnë vdekjet e dy personave, të cilët vdiqën brenda disa ditësh nga marrja e vaksinës COVID-19 të AstraZeneca.

Viktimat janë të moshës 50 dhe 63-vjeç, raportojnë mediat ndërkombëtare. Agjencia e Kontrollit dhe Parandalimit të Sëmundjeve nuk i lidhi vdekjet me vaksinën që ata kishin marrë, megjithatë për të dy rastet nisën hetimet.

AstraZeneca tha se ishte në dijeni të hetimit nga Agjencia Koreane e Kontrollit dhe Parandalimit të Sëmundjeve (KDCA), por siguria e vaksinës është studiuar gjerësisht në provat klinike dhe me të dhëna që konfirmohen rezultatet kanë qenë të mira.

Jeong Eun-kyeong, drejtori i agjencisë, tha se njëri nga viktimat kishte pasur temperaturë të lartë pasi kishte marrë vaksinën. Ai ndërroi jetë për shkak të pneumonisë, ndërsa personi i dytë pësoi atak kardiak. KDCA tha se nga njerëzit që kishin marrë vaksinat e koronavirusit, 207 kishin efekte anësore, përfshirë tre raste të reaksioneve të rënda alergjike, të njohura si anafilaksi.

Koreja e Jugut filloi vaksinimin e popullsisë së saj javën e kaluar. Deri të martën në mesnatë, 85,904 njerëz kanë marrë dozat e para të vaksinës AstraZeneca dhe 1,524 kanë marrë vaksinën Pfizer, tha KDCA në një deklaratë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vendosi eksploziv në një hotel në Theth, 39-vjeçari: Urdhrin e mora nga burgu

Vendosi eksploziv në një hotel në Theth, 39-vjeçari: Urdhrin e mora nga burgu

12 Janar, 11:50