POP 5

Lajmet më të lexuara të 5 minutave të fundit

Politikë

Dy qëndrimet e Bushatit/ Sot fajin e kërkon tek partia...por ja mbrojtja që i bënte Valdrin Pjetrit dhe Doshit

Ish-ministri i Jashtëm Ditmir Bushati gjatë mbledhjes së djeshme të Kryesisë socialiste kërkoi që historia e Valdrin Pjetrit të mos mbyllet vetëm me përgjegjësi individuale, por PS-ja të kërkojë falje për atë që ndodhi. Ai kërkon përgjegjësi te partia, por në fakt kur kryeministri Rama e pyeti për kandidaturën e Pjetrit për  zgjedhjet e 30 Qershorit, vlerësimi i tij ishte maksimal. Edhe gjatë fushatës foli me superlativa, por kur i doli mashtrimi përgjegjësinë e kërkon te partia. E njëjta situatë edhe me deputetin Dom Doshi.

TIRANE-Deputeti socialist Ditmir Bushati mbrëmjen e djeshme shkaktoi debat të fortë në mbledhjen e Kryesisë socialiste, pasi kërkoi që rasti i Valdrin Pjetrit të mos mbyllet vetëm me përgjegjësi individuale, por të mbajë edhe PS-ja duke kërkuar falje. Por cfarë mendonte Ditmir Bushati për Valdrin Pjetrin kur Kryesia e PS-së vendosi emrat për 61 kandidatët për bashkitë për zgjedhjet lokale të 30 Qershorit? Shqiptarja.com mëson se gjatë mbledhjes së Kryesisë socialiste, Bushati si koordinator i qarkut të Shkodrës ka folur mjaft mirë për Pjetrin kur është pyetur nga kryeministri Edi Rama. Në momentin që Edi Rama i kërkoi opinion Bushatit për kandidaturat e qarkut që mbulonte, ai për Valdrin Pjetrin u shpreh "Edhe nëse me origjinë është nga Malësia e Madhe, familja e tij ka ardhur në Shkodër në vitet '60. Është shkodran i vërtetë dhe një super kandidat, djalë punëtor" tha ish-ministri i Jashtëm.  

Ditmir Bushati edhe në prezantimin e Pjetrit para qytetarëve shkodranë foli me konsideratë të lartë dhe vlerësim maksimal për ish-prefektin që kandidoi për kryebashkiak dhe fitoi, por që më pas u dorëhoq. “Është kjo arsyeja përse ne prezantojmë një djalë të Shkodrës, një djalë të shkolluar të Shkodrës, një djalë i cili edhe kur ka qenë me studime në Itali, edhe kur ka ushtruar detyra të rëndësishme në administrimin publik nuk e ka humbur asnjëherë lidhjen me Shkodrën. Ai është Valdrin Pjetri. Ne jemi të bindur që me Valdrin Pjetrin, shërbëtorin numër 1 të këtij qyteti, ne do të kemi mundësinë të hapim një kapitull të ri për Shkodrën që duam, për Shkodrën e Shekullit 21… Ndaj sot dua t’u kërkoj që me brohoritje të mbështesim Valdrinin” shprehej Bushati në datë 20 Qershor, një nga fjalimet e tij për Valdrin Pjetrin në kuadër të zgjedhjeve lokale.

Por fjalët e mira, superlativat dhe opinioni pozitiv që dha kur u pyet nga kryeministri Rama u harruan pasi Pjetri u dorëhoq për shkak të mashtrimit për dënimin në Itali. Në mbledhjen e djeshme të Kryesisë, Bushati kërkoi që kjo histori të mos mbyllet vetëm me përgjegjësinë individuale të Pjetrit pas zbulimit të mashtrimit, por të mbajë edhe partia Socialiste, ndërkohë që ai vetë si kordinator politik i qarkut të Shkodrës kur u pyet dha vlerësim maksiamal për Pjetrin gjatë seleksionimit të kandidaturave. “Natyrisht kjo nuk është një çështje që mund të trajtohet thjesht dhe vetëm në mënyrë ligjore e procedurale. As me zhvendosje vëmendje, me shkarkime në masë të njerëzve që s’kanë asnjë lidhje dhe asnjë fajësi për situatën e krijuar. Në rast se përgjegjësia për të kaluarën e secilit është një përgjegjësi individuale dhe ligjore, ne na takon që të njohim realitetin dhe përgjegjësinë politikë, të themi edhe na falni për rastin në fjalë dhe për komunitete të caktuara dhe të propozojmë reforma politike që ndërtojnë sisteme imunitare për një jetë tjetër politike” tha Bushati mbrëmjen e djeshme.

Me të njëjtën mënyrë, Bushati veproi edhe në rastin e Tom Doshit, deputet i zgjedhur në qarkun e Shkodrës në zgjedhjet e 2017 nga lista e PSD-së, aleate e PS-së. Gjatë fushatës kur kërkonte votën për Mark Babanin në bashkinë e Vaut të Dejës, Bushati e vlerësonte partinë e Doshit si vizionare. “Unë jam i bindur që për Markun do të jetë disa herë më e lehtë. Do të jetë disa herë më e lehtë, sepse Marku do të ketë mbështetjen e pakushtëzuar të Kryeministrit Rama për të bërë realitet projektet dhe vizionet që ka Marku, Partia Socialiste, Partia Socialdemokrate, koalicioni ynë i gjerë, në mënyrë që edhe këtu në Vaun e Dejës të hapet një kapitull i ri” shprehej ai.

Ndërkohë që tashmë që nuk është më drejtues politik i këtij qarku, ish-ministri i Jashtëm ka ndryshuar edhe mendim. "Unë besoj fuqimisht që PS është partia e intelektit e progresit, e komuniteteve dhe ato gabime që kemi bërë në të shkuarën kur njerëz me të kaluar të dyshimtë, i përjashtuam nga radhët tona, u përshëndetëm publikisht nga SHBA, fatkeqësisht u rikthyen në tryezat tona vendimmarrëse. Dhe sot na duhet të administrojmë pasojat e këtyre gabimeve” tha ai duke mos përmendur emrin, por referenca ishte për Tom Doshin.

Shqiptarja. com zbardhi debatin e plotë me dyer të mbyllura mbrëmë në Kryesinë e PS-së mes kryeministrit Edi Rama dhe Ditmir Bushatit. Ish-i deleguari i PS-së në Shkodër, Ditmir Bushati foli për rikthimin e personave me të kaluar të dyshimtë në PS. Bushati ka përmendur sintagmën “çunat problematikë’, duke ironizuar dhe referuar kështu Damian Gjiknurin.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nazmija: 30/08/2019 00:18

    Mos e afro doshin ne shkoder,,edi rama shkodra nuk e do doshin sepse eshte malok,,,, dhe shkodra qytetare nuk i do maloket,,,thirri mendjes edi rana se do humbesh vota ne shkoder,,ver ate senida mesin,,ajo hahet......

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03