Një kallëzim i avokatit Fran Dashi, në prill 2020, për 20 ish gjyqtarë dhe prokurorë të niveleve të ndryshme, ka nxjerrë në pah ndryshimin e madh mes SPAK dhe prokurorisë së juridiksionit të zakonshëm, sa i takon goditjes së praktikave abuzive në gjyqësor, një kërkesë kjo tashmë e SHBA-BE për autoritetet shqiptare. Kallëzimin penal për fshehje pasurie, mashtrim me pasurinë, shpërdorim detyre etj., avokati Fran Dashi e referoi në SPAK. Ndërkaq, SPAK regjistroi procedimin penal për 9 ish anëtarë të Gjykatës së Lartë dhe Kushtetuese, konkretisht për: Bashkim Dedja, Tom Ndreca, Shkëlzen Selimi, Gani Dizdari, Artan Zeneli, Edmond Islamaj, Guxim Zenelaj, Besnik Imeraj dhe Aleksandër Muskaj.
SPAK referoi në prokurorinë e juridiksionit të përgjithshëm subjektet e tjera të kallëzuara si për ish kryeprokurorin e Tiranës, Petrit Fusha, ish prokurorët Fatmir Lushi, Besnik Cani, Ferdinad Elezi dhe Besa Nikëhasani, si dhe ish gjyqtarët Luan Dervishi, Marina Rraboshta, Besim Trezhnjeva, Arjan Balliu dhe Ema Gashi. Këto subjekte nuk ishin në kompetencë të SPAK në bazës të përcaktimeve të nenit 75/a të Kodit të Procedurës Penale.
Po çfarë ka ndodhur?
SPAK mori nën hetim të gjithë ish anëtarët e Gjykatës Kushtetuese dhe të Lartë për fshehje pasurie. Kërkoi sekuestrimin e një pjesë të pasurisë së Bashkim Dedes dhe Shkëlzen Selimit, kërkesë e cila u pranua nga Gjykatat e Posaçme. Me kërkesë të SPAK është dënuar me vendim të formës së prerë me 1.4 vite burg ish kryeprokurori Adriatik Llalla, të cilit i është sekuestruar edhe një pjesë e pasurisë. Gjithashtu, me kërkesë të SPAK, është sekuestruar një pjesë e pasurisë e Fatos Lulos, ish anëtar i Gjykatës Kushtetuese. Këto ditë, SPAK pritet të çojë për gjykim dosjes e Bashkim Dedes dhe Fatos Lulos, ndërsa vijon hetimet për ish anëtarët e tjerë.
Fati i të kallëzuarve të tjerë
Edhe pse që të gjithë janë shkarkuar nga Vetingu për mosjustifikim pasurie, janë larguar nga sistemi nga frika e Vetingut dhe janë kallëzuar për akuza të njëjta, ndryshe nga sa ka vepruar SPAK, asnjërit prej të kallëzuesve në prokurorinë e zakonshme nuk i është sekuestruar pasuria. Asnjë prej të kallëzuarve në Prokurorinë e Tiranës, Durrësit dhe prokuroritë e tjera, nuk është marrë i pandehur si dhe nuk është referuar për gjykim në Gjykatë.
Në progres raportin e fundit të Komisionit Evropian thuhet se për 10 ish gjyqtarët dhe ish prokurorët e referuar në prokuroritë e Tiranës dhe të rretheve vijojnë hetimet, pra prej gati 20 muajsh.
Para se ta kallëzonte Fran Dashi në prill 2020, Komisioni i Vetingut ka referuar në prokurori ish kryeprokurorin e Tiranës, Petrit Fushën, që në 21 maj 2019, pas konstatimeve të problemeve serioze me justifikimin e pasurisë. Petrit Fusha dha dorëheqjen si prokuror më datë 27 shkurt të 2019, pikërisht ditën që Komisioni i Vetingut i dërgoi dosjen e hetimit të pasurisë së tij si dhe i kaloi barrën e provës për të provuar të kundërtën e konstatimeve të KPK-së.
Në njoftimin e dorëheqjes, Petrit Fusha shprehej se “Pas 32 viteve pune në shërbimin e Prokurorisë, çmoj se përvojën që kam mund ta përdor në dobi të një aktiviteti tjetër me më pak ngarkesë. Koha në të cilën po jetojmë është tejngarkuar me ngjarje e fenomene të drejta e të pa drejta”.
Përpos të tjerave, Petrit Fusha ka ndërtuar edhe një hotel me vlerë të deklaruar mbi 500 mijë euro në periferi të Tiranës, duke pretenduar se tokën ia ika falur daja, 11 500 000 lekë ia ka dhënë babai dhe 6 000 000 lekë ia ka dhënë motra, ndërsa pjesën tjetër e ka marrë kredi. Nëse çështja ndaj Petrit Fushës nuk është pushuar, duket e pajustifikuar që hetimet të mbahen pezull nga maji 2019 deri në nëntor 2021.
Komente
Lajme të tjera
-
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
-
‘Mbështesim SPAK, pro zgjatjes së mandatit të prokurorëve’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar
21 Dhjetor, 12:49 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19
dhe normal qe do te pushohet...mire qe s keni kellqe ta beni vete kryesisht, por edhe kur jua sjellin gati s'jua mban...10 mil per prokuror marrin nga taksat tona dhe prape nuk bejne asgje ! MORTJA JUVE DHE C'KINI NE DERE !!!
PërgjigjuPo koleget e tyre do fusin ne burg keshtu qe vazhdon historia e prap perseritet zhurme zhurme per asgje jeta vazhdon nrm ne Albanistan...
Përgjigju