POP 5

Lajmet më të lexuara të 5 minutave të fundit

Sociale

Dy vëllezërit e verbër dhe nëna e moshuar në shtëpinë e dëmtuar nga tërmeti: Të paktën të vdes unë, jo të gjithë njëherësh

Familja Mamli prej 2 muajsh jetojnë mes frikës dhe ankthit në banesën e cila ka pësuar dëmtime nga tërmeti i 26 nëntorit. Ata kërkojnë që t'iu sigurohet një banesë pasi vetë e kanë të pamundur që të gjejnë një të tillë, ndaj janë të detyruar që të qëndrojnë në banesën e dëmtuar.

KURBIN- Dy vëllezër të verbër dhe nëna e tyre e moshuar nga fshati Zhejë i Kurbinit prej 2 muajsh jetojnë mes frikës dhe ankthit pasi banesa e tyre ka pësuar dëme nga tërmeti i 26 nëntorit.

Pavarësisht rrezikut që ka objekti tre anëtarët e familjes Mamli jetojnë në këtë banesë e cila rrezikon të shembet. Ata thonë se askush nuk iu ka ardhur në ndihmë për t'iu siguruar strehim, ndaj janë të detyruar që të qëndrojnë aty.

"Kanë ardhur njëherë për verifikim dhe se di çfarë kanë bërë dhe kanë ikur. Na thanë që do vijnë ekspertë nga Tirana. Po rrimë me frikë, të paktën të vdes unë dhe jo të gjithë nëna e vëllai. Unë kërkoj nga shteti që të më gjejë një shtëpi sepse jam në qiell të hapur", tha një vëllezërit. 

Për shkak të gjendjes së tyre shëndetësore dy vëllezërit e kanë të pamundur që t'iu drejtohen institucioneve për të kërkuar zgjidhje për problemin që kanë. Ata apelojnë për ndihmë, pasi jetesa në banesën e tyre është me rrezik për shkak të dëmtimeve nga tërmeti.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51