Dy vite nga pushtimi rus, David Wisner: Shqipëria, partner fenomenal i SHBA dhe Ukrainës

Foto: David Wisner

Në ceremoninë e mbajtur në Tiranë në shenjë solidarizimi me Ukrainën në 2-vjetorin e nisjes së luftës me Rusinë, i ngarkuari me Punë në Ambasadën e SHBA në Shqipëri David Wisner vlerësoi rolin e Shqipërisë

“Vlerësoj Shqipërinë e popullin shqiptar për mbështetjen e jashtëzakonshme ndaj Ukrainës në dy vitet e fundit. Që nga koha e Shqipërisë në këshillin e Sigurimit ku ka qenë bashkëpërmbajtëse e të mbajturit Rusisë llogaridhënëse në forumin ndërkombëtar tek të qënit një partner i vërtetë i Ukrainës sa i takon mbështetjes së madhe humanitare. Shqipëria ka qenë partner fenomenal i popullit të Ukrainës e SHBA-së. SHBA mbetet e angazhuar për mbrojtjen e sovranitetit dhe integritetit territorial të Ukrainës.

LEXO EDHE:
Lufta në Ukrainë/ SHBA akuzon Rusinë për përdorimin e armëve kimike, Moska e mohon

Pa rezervim ne duhet të vijojmë të dënojmë agresionin e Rusisë, sulmet ndaj civilëve. Duhet të dokumentojmë krimet e luftës e mizoritë ndaj burrave, grave e fëmijëve që po ndodh atje. Ata i kanë mësuar Presidentit Putin ligjin e tretë të Njutonit, çdo veprim ka një kundërveprim të barabartë. Në vend që të arratisej Zelensky qëndroi. Në vend që të thyhej perëndimi u bashkua dhe NATO u rrit. Këto janë hapa të fuqishëm. Ne jemi të bashkuar e do vijojmë të jemi të tillë”, u shpreh ai.

Lajmi kryesor:

Tirane përkujton 2 vjetorin e luftës në Ukrainë, javën tjetër mikpret presidentin Zelensky! Ambasadori Shkurov thirrje aleatëve: Na furnizoni me dronë e raketa

S.G/Shqiptarja.com

TAG:
• Lufta Rusi-Ukraine
• Tirane
• ukraine