Një i dyshuar për krime lufte në Kosovë është arrestuar më 12 shtator, bëri të ditur Policia e Kosovës.
Policia tha se i dyshuari, T.P., i nacionalitetit serb, u arrestua në bazë të një autorizimi të lëshuar nga Prokuroria Speciale e Kosovës.
Ai dyshohet se ka kryer veprën penale “krimi i luftës kundër popullsisë civile”.
“I dyshuari gjatë kohës së luftës në Kosovë, rreth muajit mars të vitit 1999, në komunën e Istogu, ka kryer vepra të ndryshme penale duke përfshirë, plaçkitjen dhe shkatërrim të pasurisë së popullsisë civile”, u tha në njoftim.
Autoritetet bënë të ditur se i dyshuari tashmë gjendet në ndalim policor, teksa Policia nuk dha detaje se ku u krye arrestimi i tij.
Që nga përfundimi i luftës së fundit në Kosovë, afër 70 persona janë dënuar për krime lufte para institucioneve vendore dhe ndërkombëtare.
Nga viti 2000 deri në vitin 2008, krimet e luftës në Kosovë janë hetuar nga Misioni i Kombeve të Bashkuara në Kosovë (UNMIK), ndërsa nga viti 2008, nga Misioni i Bashkimit Evropian për Sundim të Ligjit (EULEX).
Në vitin 2018, ky mision i ka dorëzuar lëndët në Prokurorinë e Kosovës dhe në gjykatat vendore.
Gjatë luftës së fundit në Kosovë më 1998-'99 janë vrarë mbi 13.000 civilë dhe mijëra të tjerë janë zhdukur.
Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë./REL
Lajme të tjera
-
Vuçiç bisedon për Kosovën me ambasadorin e BE-së në Serbi
12 Shtator, 16:16 -
U kap me 586 doza kokaine, arrestohet 44-vjeçari shqiptar në Itali
11 Shtator, 21:42 -
Ambasadori i SHBA në Serbi, Christopher Hill: Kërkojmë që sulmuesit e Banjskës të mbahen përgjegjës
11 Shtator, 17:21 -
Lezhë/ Hiqej si zyrtar dhe u merrte para bizneseve, arrestohet 57-vjeçari! I mori 3 mln lekë nëpërmjet mashtrimit një biznesi
11 Shtator, 16:54 -
Kurti pas takimit me Spiropalin: Diskutuam mbi bashkëpunimin e gjerë dhe të fuqishëm
11 Shtator, 16:35 -
I shpallur në kërkim ndërkombëtar, arrestohet me qëllim ekstradimin iraniani në Kakavijë (EMRI)
11 Shtator, 15:09 -
Do ketë një tjetër Kuvend të përbashkët Shqipëri-Kosovë, takohen kryeparlamentarët Konjufca-Spiropali: S’ka ngrirje të marrëdhënieve, pavarësisht ndonjë mospajtimi të kryeministrave!
11 Shtator, 14:37 -
Sulmi terrorist në Banjskë ku humbi jetën polici Bunjaku, Prokuroria e Kosovës akuzon 45 persona
11 Shtator, 12:44 -
Tiranë/ Krim në familje, 32-vjeçari plagos me thikë bashkëshorten pas sherrit, Policia e arreston
11 Shtator, 11:14 -
Kryetarja e Kuvendit Spiropali sot në Kosovë, takim me Kurtin dhe Konjufcën
11 Shtator, 10:44 -
Dialogu Kosovë-Serbi/ Stano: Zbatimi i marrëveshjes kërkesë e Brukselit dhe e Uashingtonit
10 Shtator, 17:30 -
Arrestohet në veri të Mitrovicës politikani serb Aleksandar Arsenijeviç
10 Shtator, 17:10
